Yeremia 5:24 - An Bibel Kernewek 20234 (Kernewek Kemmyn)

²⁴ Ny leverons yn aga holonn, ‘Gwren ni perthi own a'n Arloedh agan Duw, neb a re an glaw, ha'n kynsa ha'n diwettha, yn y dermyn: ev a with ragon seythunyow ordenys an drevas.’

Yeremia 5:24 ပူးပေါင်းရင်းမြစ်များ

Jenesis 8:22

Hedre vo an nor ow pesya, hasa ha trevas, yeynder ha toemmder, hav ha gwav, dydh ha nos, ny wrons sessya.’

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

Job 29:23

I a'm gorta kepar ha glaw; igerys aga ganow kepar ha rag an glaw yn gwenton.

Job 38:37

Piw a'n jeves an furneth rag nivera an kommolennow, po piw a yll domhweles sethow dowr an nevow,

Job 5:10

Ev a re glaw war an norvys ha dannvon dowrow war an gwelyow;

Salmow 147:8

Neb a gudh an nevow gans kommol, ha darbari glaw rag an nor, ha gul dhe wels tevi war an menydhyow.

Salmow 65:9

Ty a vir orth an nor ha'y dhowra, ty a wra dh'y feythter ynkressya; avon Duw yw leun a dhowr; ty a brovi ys ragdha, rag yndella ty re'n darbaris.

Ysay 64:7

Nyns eus denvyth a elow war dha hanow na strivya dhe gavoes dalghenn ynnos; rag ty re gudhas dha fas ragon, ha'gan delivra yn leuv agan kammweythresow.

Yeremia 10:13

Orth son y lev, yma tervans dowrow y'n nevow, hag ev a wra niwlow dhe yskynna a bennow an norvys; ev a wra lughes gans glaw, ha dri yn-rag gwynsow a'y dresorvaow.

Yeremia 14:22

Eus yn mysk idolyow an kenedhlow nebonan a yll gwruthyl glaw? Po a yll an nevow aga honan ri kowasow? A nyns yw ty, A Arloedh agan Duw? Ytho yma agan govenek ynnos, rag ty re wrug oll an traow ma.

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Yeremia 3:3

Rakhenna an kowasow re beu skonys, ha ny dheuth an glaw diwedhes; ha ty a'th o tal hora, ty a naghas kemmeres meth.

Yeremia 5:22

A ny berthowgh own ahanav? yn-medh an Arloedh: a ny grenowgh a-ragov? My re worras an tewes avel or dhe'n mor, ordenans bys vykken, ma na yll y dremena: an tonnow a sev yn trosek, mes ny's teves an galloes; kyn tarennons, ny yllons tremena dresto.

Yeremia 50:5

I a wovynn an fordh dhe Sion ha'ga fasow treylys war-tu hag ev, hag i a dheu ow leverel, ‘Dewgh ha glena agan honan dhe'n Arloedh gans kevambos bys vykken, na vydh ankevys.’

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Hosea 6:1

Dewgh, dehwelyn dhe'n Arloedh: rag ev re skwardyas, hag a wra agan sawya; ev re weskis, hag a wra agan lystenna.

Yoel 2:23

Ytho bedhewgh heudhik, hwi vebyon Sion, ha lowenhewgh y'n Arloedh agas Duw: rag ev re ros dhywgh an glaw a-varr rag ewnder, hag ev re dhros glaw yn-nans ragowgh: glaw a-varr ha glaw diwedhes kepar hag y'n dalleth.

Amos 4:7

Hag ynwedh my a skonyas a ri dhywgh an glaw, ha tri mis hwath gesys kyns an drevas; ha my a wrug glaw dhe goedha war unn sita ha ny wrugavy glaw dhe goedha war sita arall; war unn park glaw a goedh, ha'n park na gavas glaw a wedhras;

Zekaria 10:1

Govynnewgh glaw orth an Arloedh yn termyn an glaw diwedhes. An Arloedh a wra kommol tewedh; ev a re kowasow glaw dhedha, ha dhe bubonan ev a re gwels y'n gwel.

Matthew 5:45

may hallowgh hwi bos mebyon agas Tas eus y'n nevow, rag ev a wra dh'y howl drehevel keffrys war an re dhrog ha'n re dha, hag a dhannvon an glaw war an re ewnhynsek ha'n re gammhynsek.

Oberow 14:17

byttegyns ny asas y honan heb dustuni, rag dader ev a wra, ow ri dhywgh glaw a nev ha prysyow ow toen frut, ow lenwel agan kolonnow a voes hag a heudhder.’

Dewteronomi 28:12

An Arloedh a iger y dresorva dha, an nevow, dhe ri glaw dhe'th tir yn y seson ha dhe venniga oll an ober a'th leuv; ty a brest dhe lies kenedhel mes ty, ny gevydh prestenn.

Jamys 5:7

Ytho, perthewgh, a vreder bys yn devedhyans an Arloedh. Otta, an tiek a worta frut drudh an dor, meur y berthyans yn y gever, erna dhegemmerro an glaw a-varr ha'n glaw diwedhes.

Diskwedhyans 11:6

Gans an re ma, yma galloes dhe dhegea an ebron, ma na goettho glaw yn dydhyow aga frofoesans, hag yma gansa galloes war dhowrow dh'aga threylya dhe woes, ha gweskel an dor gans pub pla mar venowgh dell vynnons.