Yeremia 5:22 - An Bibel Kernewek 20234 (Kernewek Kemmyn)

²² A ny berthowgh own ahanav? yn-medh an Arloedh: a ny grenowgh a-ragov? My re worras an tewes avel or dhe'n mor, ordenans bys vykken, ma na yll y dremena: an tonnow a sev yn trosek, mes ny's teves an galloes; kyn tarennons, ny yllons tremena dresto.

Yeremia 5:22 ပူးပေါင်းရင်းမြစ်များ

Jenesis 1:9

Hag yn-medh Duw, ‘Bedhes an dowr yn-dann an nev kuntellys yn unn tyller, ha gwres omdhiskwedhes tir sygh.’ Hag y feu yndella.

1 Myghternedh 13:28

Ev eth ha kavoes an korf tewlys y'n fordh, ha'n asen ha'n lew a'ga sav ryb an korf. Ny dhyb'sa an lew an korf na terri an asen.

Job 26:10

Ev a worras an worwel war enep an dowrow, orth an or yntra golow ha tewlder.

Job 37:24

Rakhenna tus a berth own anodho; ha ny wra vri a'n dus yw fur yn tybyans aga holonn aga honan.’

Job 38:8

‘Piw a dhegeas an mor a-dryv darasow pan dardhas ev dhiworth an dorr? –

Salmow 104:9

Ty re worras or na yllons treusi, na treylya arta dhe gudha an nor.

Salmow 119:120

Ow hig a gren rag own ahanas, ha my a berth own a'th vreusow.

Salmow 33:7

Ev a guntellas dowrow an mor war-barth yn graghell; ev a worr an downderyow yn gwithvaow.

Salmow 46:3

kyn tarenno y dhowrow hag ewyni, ha kyn krenno an menydhyow gans y hwythfians. Sela.

Salmow 99:1

An Arloedh yw Myghtern; krenes an poblow. Ev yw esedhys war an cherubim; krysyes an nor.

Lavarow Koth 8:29

pan ros y ordenans dhe'n mor, rag na dremenna an dowrow y worhemmynn, pan verkyas selyow an norvys,

Ysay 50:2

Prag nag esa denvyth ena pan dheuth vy? Prag na worthybis denvyth pan elwis vy? Yw ow dorn berrhes bys ma na yll hi dasprena? A nyns eus dhymmo vy galloes dhe dhelivra? Gans ow heredh my a sygh an mor, my a wra avonyow difeyth; aga fuskes a fler rag difyk dowr, hag a verow rag syghes.

Ysay 64:2

Kepar dell wra tan enowi kewydh ha gul dhe dhowr bryjyon, diyskynn dhe wul dha hanow aswonnys dhe'th eskerens, may krenno a-ragos an kenedhlow!

Ysay 66:5

Klewewgh ger an Arloedh, hwi neb a gren orth y er: Agas breder neb a'gas kas ha'gas eskeas a-barth ow hanow re lavarsons, ‘Bedhes an Arloedh glorifiys, rag may hwellyn agas lowena!’ Mes i aga honan a gemmer meth.

Yeremia 10:7

Piw ny berth own ahanas, A Vyghtern an kenedhlow? Rag henn yw an pyth a dhegoedh dhis: yn mysk tus fur an kenedhlow, hag yn oll aga gwlaskordhow, nyns eus nagonan haval dhis.

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Yeremia 31:35

Yndellma y lever an Arloedh, a re an howl rag golow dydh hag ordena an loer ha'n ster rag golow nos, a rann an mor may hwromm an tonnow – Arloedh an luyow yw y hanow.

Daniel 6:26

Ordenans a wrav, yn pub arloetteth a'm ruvaneth, may hwrello tus krena ha kavoes own a-rag Duw Daniel, Rag ev yw an Duw bew, neb a dhur bys vykken; nevra ny vydh y wlaskor distruys, ha'y roweth a vydh bys y'n diwedh.

Amos 4:12

Rakhenna yndella y hwrav dhis, A Ysrael: drefenn my dhe wul hemma dhis, bydh parys dhe vetya dha Dhuw, A Ysrael!

Amos 9:6

ev a dhrehav y'n nevow y jambouryow ughel ha fondya y nen a-ugh an nor; ev a elow dowrow an mor, ha'ga dinewi war enep an nor – an Arloedh yw y hanow.

Yona 1:16

Ha'n gwer a's teva own bras a'n Arloedh, hag i a offrynnas sakrifis dhe'n Arloedh, ha gul ambosow.

Nahum 1:4

Ev a geredh an mor ha'y sygha, ha desygha an avonyow oll. Bashan ha Karmel a wedher ha bleujenn Lebanon a wedher.

Matthew 10:28

Ha na berthewgh own a'n re a ladh an korf, mes na yll ladha an enev; mes kyns oll perthewgh own a neb a yll diswul ha'n enev ha'n korf yn ifarn.

Mark 4:39

Hag ev a sevis, ha keredhi an gwyns, hag a leveris dhe'n mor ‘Taw, spavennha!’ Ha'n gwyns a hedhis, hag yth esa kalmynsi meur.

Luk 12:5

My a'n diskwa dhywgh, piw a berthowgh own anodho: perthewgh own a neb a yll, wosa ladha, tewlel yn ifarn. Ya, yn-medhav dhywgh, perthewgh own anodho ev.

Dewteronomi 28:58

Mar ny waytydh gul oll geryow an lagha ma yw skrifys y'n lyver ma, ow perthi own a'n hanow gloryus hag euthyk ma, an Arloedh dha Dhuw,

Diskwedhyans 15:4

Piw ny berth own ahanas, A Arloedh, ha gordhya dha hanow? Rag ty yn unnsel yw sans, rag pub kenedhel a dheu dhe wordhya a-dheragos; rag dha oberow gwiryon re beu diskwedhys.’