Yeremia 5:21 - An Bibel Kernewek 20234 (Kernewek Kemmyn)

²¹ Klewewgh hemma lemmyn, A bobel dhiboell, ha heb konvedhes; neb a's teves lagasow ha ny welons; neb a's teves skovornow, ha ny glewons.

Yeremia 5:21 ပူးပေါင်းရင်းမြစ်များ

Salmow 94:8

Ombreder, hwi anfur yn mysk an bobel; ha hwi an re dalsogh, p'eur fydhowgh fur?

Lavarow Koth 17:16

Prag yma an pris yn dorn foll rag prena furneth, pan nag eus dhodho an golonn dh'y gavoes?

Ysay 27:11

Pan yw sygh hy skorrow, yth yns terrys dhe-ves; benynes a dheu ha'ga enowi. Rag homm yw pobel heb konvedhes; rakhenna ny gemmer aga Kreador truedh anedha, ha ny dhiskwedh aga Gwrier favour dhedha.

Ysay 43:8

Dro yn-rag an bobel yw dall, mes yma dewlagas dhedha, an re yw bodhar, mes yma diwskovarn dhedha.

Ysay 44:18

Ny wodhons, na ny gonvedhons; rag aga dewlagas yw drogurys bys ma na welons, ha'ga holonn bys ma na gonvedhons.

Yeremia 10:8

Mes i yw ha gokki ha foll; dyskans idolys a brenn yw euveredh.

Yeremia 4:22

‘Rag ow fobel yw foll, ny'm aswonnsons; fleghes wokki yns, ny's teves konvedhes: konnyk yns dhe wul drogober, mes dhe wul da ny's teves skentoleth.’

Yeremia 5:20

Diskleryewgh hemma yn chi Yakob, ha'y dhyllo yn Yuda, ow leverel,

Yeremia 5:4

Ytho my a leveris, ‘Yn sur boghosek yw an re ma; gokki yns: rag ny wodhons fordh an Arloedh, na breus aga Duw.

Yeremia 6:10

Piw y kowsav dhodho, ha ri gwarnyans, may klewvons? Otta, aga skovarn yw antrodreghys, ha ny's teves goslowes; otta, ger an Arloedh yw keredh dhedha; ny's teves lowender ynno.

Yeremia 7:13

Ha lemmyn, drefenn hwi dhe wul oll an taklow ma, yn-medh an Arloedh, ha my a gewsis dhywgh, ow sevel a-varr hag ow kewsel, mes ny glewsowgh; ha my a elwis dhywgh, mes ny worthybsowgh;

Yeremia 8:7

Hwath an hwibon y'n nevow a aswonn y dermynyow; ha'n durenn ha'n wennel ha'n aran a aswonn termyn aga devedhyans; mes ny aswonn ow fobel vy breus an Arloedh.

Ezekiel 12:2

Mab den, yth esos trigys yn kres chi diwostydh. Yma dhedha dewlagas dhe weles mes ny welons, yma dhedha diwskovarn dhe glewes mes ny glewons, rag chi diwostydh yns i.

Hosea 7:11

Efraym yw kepar ha kolomm, gokki ha heb kolonn; i a elow dhe Ejyp ha mos dhe Assyria.

Zekaria 7:11

Mes i a skonyas a woslowes; i a dreylyas aga skoedh yn hworth ha stoppya aga skovornow a glewes.

Mark 4:12

“rag may firons dhe wir, mes heb gweles, ha may klewons dhe wir, mes heb konvedhes, rag own i dhe dreylya, ha may fo gevys dhedha.” ’

Mark 8:18

Eus dhywgh dewlagas, ha ny welowgh? ha dhywgh diwskovarn, ha ny glewowgh? Hag a ny wrewgh perthi kov?

Yowann 12:40

‘Ev re dhallhas aga dewlagas, hag ev re galeshas aga holonn, rag na hwrellons gweles gans aga dewlagas, na konvedhes gans aga holonn, na bos treylys, may hwrylliv aga sawya.’

Oberow 28:26

“Ke dhe'n bobel ma dhe leverel: Hwi a wra klewes heb konvedhes kammenn, ha hwi a wra mires heb gweles kammenn.

Romanyon 1:20

Rag y gnas na veu gwelys a-dhia greasyon an bys, hemm yw y alloes heb finweth ha'y dhuwsys, re beu gwelys yn tiblans der an taklow gwrys. Ytho heb askus yns;

Romanyon 11:8

dell yw skrifys, ‘Duw a ros dhedha spyrys a dalsoghter, dewlagas heb gweles, ha diwskovarn heb klewes, bys y'n jydh hedhyw.’

Dewteronomi 29:3

an provow bras a wrug dha dhewlagas aga gweles, an toknys, ha'n marthusyon bras na.

Dewteronomi 29:4

Mes ny ros dhywgh an Arloedh kolonn dhe wodhvos, na dhewlagas dhe weles, na dhiwskovarn dhe glewes bys y'n jydh hedhyw.

Dewteronomi 32:6

A attylowgh an Arloedh yndella, pobel goeg ha diboell? A nyns yw ev dha Das, dha Wrier, neb a'th formyas, ha neb a'th fastyas?