Yeremia 5:11 - An Bibel Kernewek 20234 (Kernewek Kemmyn)

¹¹ Rag chi Ysrael ha chi Yuda re beu fest traytus er ow fynn, yn-medh an Arloedh.

Yeremia 5:11 ပူးပေါင်းရင်းမြစ်များ

Ysay 24:16

Dhiworth finyow an nor ni a glew kanow, splannder dhe'n Gwiryon. Yn-medhav, Tanowhes ov, tanowhes, go-vy! Traytours a drayt, traytours a drayt yn pur dhevri.

Ysay 48:8

Naneyl ny glewsys, na ny wodhves, a'n termyn koth ny veu dha skovarn igerys; rag y hwodhyen ty dhe vos pur draytus, hag a'th enesigeth ty a veu henwys dislel.

Yeremia 12:1

Gwiryon osta, A Arloedh, pan bledyav genes: mes gas vy dhe gewsel genes a'th varnow: Prag y hwra fordh an debeles seweni? Prag yth yns attes oll an re yw traytus?

Yeremia 3:20

Yn sur dell dhiberth gwreg yn traytus a-dhiworth hy gour, yndellma hwi re beu dislel dhymm, A ji Ysrael, yn-medh an Arloedh.

Yeremia 5:10

Kewgh yn-bann dre rewyow hy gwinbrennyer, ha distrui; mes na wra diwedh leun: tennewgh dhe-ves hy barrennow: rag nyns yns i dhe'n Arloedh.

Yeremia 9:2

A pe dhymm harber an dremenysi y'n gwylvos may tiberthiv a'm pobel, ha mos anedha! Rag avoutroryon yns i oll, kuntelles a draytours.

Hosea 5:7

I re draytas an Arloedh, ha dineythi fleghes direyth. Lemmyn an loer nowydh a wra aga dybri war-barth gans aga rannow a dir.

Hosea 6:7

Mes i re dorras an kevambos avel Adam: ena i re'm traytas.