Yeremia 5:1 - An Bibel Kernewek 20234 (Kernewek Kemmyn)

¹ Gwandrewgh a-dro dre stretow Yerusalem, gwelewgh lemmyn, ha godhvydhewgh, ha hwilewgh yn hy flenys, mar kyllowgh kavoes gour, mars eus nebonan a wra breus, a hwila gwirder; ha my a's gav.

Yeremia 5:1 ပူးပေါင်းရင်းမြစ်များ

1 Myghternedh 19:10

Ev a worthybis, ‘My re beu pur dhiwysyk rag an Arloedh, Duw an luyow, rag an Ysraelysi re eskasas dha gevambos, terri dha alteryow, ha ladha dha brofoesi gans an kledha. Nyns eus nagonan gesys marnas my, hag ymons ow hwilas ow bewnans, dh'y gemmeres dhe-ves.’

2 Kroniklys 16:9

Rag dewlagas an Arloedh a wander dres oll an norvys rag krevhe an re hag yth yw aga holonn lel dhodho. Ty re wrug tra foll y'n dra ma; rag alemma rag ty a' fydh breselyow.’

Salmow 12:1

Salw, A Arloedh, rag nyns eus unn dremas gesys; rag an dus len re dhifygyas mes a vebyon den.

Salmow 14:2

An Arloedh a viras war-woeles dhiworth nev war vebyon den, dhe weles mars esa neb den fur ow hwilas Duw.

Salmow 14:3

Pubonan re dreylyas a-denewen, legrys yns i war-barth; nyns eus denvyth a wrello dader, nyns eus nagonan.

Salmow 94:16

Piw a omdhrehav ragov erbynn an debeles? Piw a sev ragov erbynn an dhrogoberoryon?

Lavarow Koth 20:6

Lies den yw gelwys gour tregeredhus, mes gour lel, piw a yll y gavoes?

Lavarow Koth 23:23

Pren gwiryonedh ha na'n gwerth, pren furneth, dyskans ha konvedhes.

Lavarow Koth 8:3

ryb an yetow a-rag an dre, yn entrans an porthow hi a gri yn ughel:

An Gan a Ganow 3:2

‘My a sev yn-bann, ha mos a-derdro y'n sita, y'n stretys ha'n plenys, my a hwila karadow ow enev.’ My a'n hwilas mes ny'n kevis.

Ysay 59:4

Denvyth ny elow rag ewnder; denvyth ny bled y gen gans onester. I a drest yn gwakter ha kewsel euveredh; i a gonsev anken ha dineythi droktra.

Yeremia 2:29

Prag y krodhvolowgh warnav? Hwi oll re dreuspassyas er ow fynn, yn-medh an Arloedh.

Yeremia 44:15

Ena oll an wer neb a wodhya bos aga gwragedh ow leski offrynnow dhe dhuwow erell, hag oll an gwragedh a sevi yn ogas, kuntelles meur, oll an bobel esa trigys yn Pathros yn pow Ejyp, a worthybis dhe Yeremia:

Yeremia 8:6

My a woslowas ha klewes, mes ny gewsons yn ewn: ny goedhas denvyth yn edrek a'y dhrogedh, ow leverel, ‘Pandr'a wrug vy’? I oll a dreyl dh'aga resegva, par dell fysk margh sket dhe'n vatel.

Yeremia 9:2

A pe dhymm harber an dremenysi y'n gwylvos may tiberthiv a'm pobel, ha mos anedha! Rag avoutroryon yns i oll, kuntelles a draytours.

Yeremia 9:7

Yndella ytho y lever Arloedh an luyow: Otta, my a's purha ha'ga frevi; rag fatell allav gul ken drefenn myrgh ow fobel?

Ezekiel 22:30

My a hwilas gour anedha a vynna drehevel an fos ha sevel a-ragov y'n aswa, ma na ve an pow distruys, mes ny'n kevis.

Ezekiel 9:9

Hag yn-medh ev dhymm, ‘Anewnder chi Ysrael ha Yuda yw pur, pur vras; an tir yw leun a woes, ha'n sita yw leun a gammder; rag yn-medhons, “An Arloedh re forsakyas an tir, ha ny wel an Arloedh.”

Daniel 12:4

Mes ty, A Daniel, kudh an geryow, ha sel an lyver bys prys an diwedh. Lies a boen a-derdro, dhe ynkressya godhvos.’

Yoel 2:9

Assaltya an sita a wrons; ha poenya war an fos; krambla a wrons war an chiow, hag entra der an fenestri avel lader.

Amos 8:12

Gwandra a wrons a vor dhe vor, hag a'n kledh bys y'n howldrevel; ow kwandra a-dro dhe hwilas ger an Arloedh, mes ny'n kevons.

Zekaria 2:4

ha leverel dhodho, ‘Poenya gwra, deriv orth an yonker na: Yerusalem a vydh sita heb fosow drefenn an myns meur a dus ha bestes a-ji dhedhi.

Luk 14:21

Ha'n kethwas a dheuth dhe dherivas henna orth y vester. Ena mester an chi a sorras, hag yn-medh ev dh'y was, “Ke dhe-ves skon dhe'n plenys ha dhe'n stretys y'n sita ha doro omma an voghosogyon, ha'n evredhyon, ha'n dhellyon ha'n gloppogyon.”

2 Thessalonianys 2:10

ha gans pub toell a anewnder troha'n re usi ow mos dhe goll, rag ny dhegemmersons kerensa an gwir, may fens selwys.