Yeremia 49:8 - An Bibel Kernewek 20234 (Kernewek Kemmyn)

⁸ Fiewgh, treylyewgh agas keyn, trigewgh isel, annedhysi Dedan! Rag my a dhre terroes Esaw warnodho, pan y'n kessydhyav.

Yeremia 49:8 ပူးပေါင်းရင်းမြစ်များ

Ysay 2:21

dhe vones yn fowys y'n kerrek hag yn folsyow an kleger dhiworth fas euth an Arloedh ha splannder y veuredh, pan sev dhe ownekhe an norvys.

Ysay 21:13

Profoesans a-dro dhe Arabia. Yn kranndir Arabia yth ostyowgh, a garavanow an Dedanysi.

Ysay 34:5

Rag ow kledha re evas y walgh yn nev; otta, ev a dhiyskynn war Edom, ha war bobel a wrugavy aga sakra rag breus.

Yeremia 25:23

Dedan, ha Tema, ha Buz, hag oll myns yw treghys blew aga thalyow;

Yeremia 46:21

Ynwedh hy gwer arvethys yn hy kres yw avel leughi peskys; rag i ynwedh re dreylyas ha fia war-barth, ny sevsons; rag dydh aga therroes re dheuth warnedha, ha termyn aga hessydhyans.

Yeremia 48:28

Gesewgh an sitys, ha trigewgh y'n garrek, hwi annedhysi Moab! Bedhewgh avel an golomm a neyth yn amal ganow kownans.

Yeremia 48:44

Seul a fi a'n browagh a goedh y'n pytt, ha seul a glamber yn-mes a'n pytt a vydh kechys y'n vaglenn. Rag my a dhre an traow ma war Moab yn blydhen aga hessydhyans, yn-medh an Arloedh.

Yeremia 48:6

Fiewgh, omsawyewgh, ha bedhewgh avel asen gwyls y'n difeyth.

Yeremia 49:30

Fiewgh, gwandrewgh pell dhe-ves, trigewgh yn tylleryow down, hwi annedhysi Hasor! yn-medh an Arloedh. Rag Nebukadnessar myghtern Babylon re dewlis towl er agas pynn ha gul entent er agas pynn.

Yeremia 49:32

Aga hawrvergh a vydh preydh, aga greow a warthek pyllans. My a skatter dhe bub gwyns an re a's teves talyow moel, ha my a dhre terroes er aga fynn a bub tu, yn-medh an Arloedh.

Yeremia 50:27

Ledhewgh oll hy lodhnow, gesewgh i dhe vones yn-nans dhe'n ladhva. Go-i, aga dydh yw devedhys, termyn aga hessydhyans!

Yeremia 6:1

Fiewgh rag sawder, A hwi fleghes Benyamin, yn-mes a Yerusalem, ha hwytha an hirgorn yn Tekoa, ha drehevewgh arwoedh-dan yn Beth-hakkerem: rag drogedh a omdhiskwedh yn-mes a'n gogledh, ha distruyans meur.

Ezekiel 25:13

rakhenna yndellma y lever an Arloedh Duw, My a ystynn ow leuv erbynn Edom, ha treghi dhiworto den ha best; ha my a'n gwra tyller a vagoryow; dhiworth Teman bys Dedan i a goedh der an kledha.

Malaki 1:3

mes kasa Esaw, ha treylya y vro venydhyek dhe dhifeyth ha gasa y eretons dhe owrgeun an gwylvos.

Malaki 1:4

Drefenn Edom dhe leverel, ‘Ni re beu brewys, mes ni a dhastrehav an magoryow’, yndellma y lever Arloedh an luyow: I a dhastrehav, mes my a wra diswul. Y fydhons henwys an Pow a Dhrog, ha'n pobel keredhys gans an Arloedh bys vykken.

Diskwedhyans 6:15

Ha myghternedh an norvys ha'n dus vras, ha hembrenkysi luyow, ha'n dus rych, ha'n dus krev, ha pub den keth ha den rydh a omgudhas yn mogowyow hag yn karregi an menydhyow.

Breusysi 6:2

Leuv Midyan a arwaskas Ysrael; ha drefenn Midyan mebyon Ysrael a wrug ragdha aga honan skovvaow yn savnow y'n menydhyow, ha fowys ha dinasow.

1 Samuel 13:6

Pan welas gwer Ysrael aga bos yn ahwer (rag an lu o gweskys kales), ena an bobel a omgudhas aga honan yn kavow hag yn tell hag yn karregi hag yn bedhow hag yn dowrarghow.