Yeremia 49:7 - An Bibel Kernewek 20234 (Kernewek Kemmyn)

⁷ A-dro dhe Edom. Yndellma y lever an Arloedh: A nyns eus furneth na fella yn Teman? Yw kusul an dhoethyon gyllys dhe goll? Yw pedrys aga furneth?

Yeremia 49:7 ပူးပေါင်းရင်းမြစ်များ

Jenesis 25:30

Yn-medh Esaw dhe Yakob, ‘Gas vy dhe eva lemmik a'n kowl rudh ma, my a'th pys, rag skwith ov vy.’ Rag henna y hanow a veu gelwys Edom.

Jenesis 27:41

Lemmyn Esaw a'n jevo eskarogeth erbynn Yakob drefenn an vennath may hwrussa y das y venniga gensi, hag Esaw a leveris yn y golonn, ‘Yma'n dydhyow a gynvann a-barth ow thas ow tos nes. Ena my a vynn ladha ow broder Yakob.’

Jenesis 32:3

Ha Yakob a dhannvonas kannasow a-dheragdho dhe Esaw y vroder, dhe bow Seir, gwel Edom,

Jenesis 36:11

Mebyon Elifaz o Teman, Omar, Sefo, Gatam ha Kenaz.

Jenesis 36:15

An re ma yw pennternedh mebyon Esaw. Mebyon Elifaz, kynsa-genys Esaw: penntern Teman, penntern Omar, penntern Sefo, penntern Kenaz,

Jenesis 36:34

Yobab a verwis, ha Husham a bow Teman a reynyas yn y le.

Jenesis 36:8

Ytho Esaw a drigas yn menydh Seir. Esaw yw Edom.

1 Kroniklys 1:53

Kenaz, Teman, Mibsar,

Job 2:11

Pan glewas tri howeth Job a-dro dhe'n drogedh oll ma re dhothya warnodho, i a dheuth pub huni dhiworth y dyller y honan, Elifaz an Temanyas, Bildad an Shuhyas ha Sofar an Naamathyas. I a settyas prys war-barth rag dos dhe geskalari ganso ha rag y gonfortya.

Job 4:1

Ena Elifaz an Temanyas a worthybis:

Salmow 137:7

Porth kov, A Arloedh, a vebyon Edom yn dydh Yerusalem, fatell lavarsons, ‘Diswrewgh hi, diswrewgh hi, bys dh'y selyow.’

Ysay 21:11

Profoesans a-dro dhe Duma. Nebonan a elow dhymm dhiworth Seir, ‘Goelyador, pandr'yw gesys a'n nos? Goelyador, pandr'yw gesys a'n nos?’

Ysay 29:14

rakhenna, awotta, my a wra marthusyon arta gans an bobel ma, marthus hag aneth. Furneth aga thus fur a vydh ow mos dhe goll, ha skians aga thus dhoeth a vydh kudhys.

Yeremia 12:14

Yndellma y lever an Arloedh erbynn oll ow thebel gentrevogyon, a doch an eretons a res dhe'm pobel Ysrael dh'y erita: Otta, my a's fes yn-mes a'ga thir, ha fesya chi Yuda a'ga mysk.

Yeremia 18:18

Ena i a leveris, ‘Dewgh, ha tewlel towlow erbynn Yeremia; rag ny vydh kellys an lagha dhiworth an oferyas, na kusul dhiworth an re fur, na'n ger dhiworth an profoes. Dewgh ha'y weskel gans an taves, ha na woslowyn dhe nagonan a'y eryow.’

Yeremia 25:21

Edom, ha Moab, ha'n Ammonysi;

Yeremia 25:23

Dedan, ha Tema, ha Buz, hag oll myns yw treghys blew aga thalyow;

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Yeremia 49:20

Ytho klewewgh kusul an Arloedh erbynn Edom ha'y dowlow re formyas erbynn annedhysi Teman: Yn sur an lyha a'n flokk a vydh draylys dhe-ves; yn sur ev a wra aga feurva ynyal ragdha.

Yeremia 8:9

Yma meth dhe'n dus fur, dyegrys yns ha kechys: otta, i re naghas ger an Arloedh, ha pana furneth eus dhedha?

Kynvannow 4:21

Lowenha ha bydh heudhik, A vyrgh Edom, neb a drig yn pow Us, ynwedh dhiso jy tremena a wra an hanaf. Medhwys vydhydh, ha ty a lommha dha honan.

Ezekiel 32:29

Yma Edom ena, hy myghternedh, hag oll hy fennsevigyon, a veu gorrys spit dh'aga galloes gans an re ledhys gans an kledha; i a wrowedh gans an re antrodreghys, gans an re re dhiyskynnas dhe'n pytt.

Daniel 11:41

Ena ev a dheu y'n tir splann, ha lies a wra trebuchya; mes an re ma a dhienk a'y dhorn: Edom ha Moab ha'n brassa rann a vebyon Ammon.

Yoel 3:19

Ejyp a vydh forsakys, hag Edom a vydh gwylvos ynyal, drefenn an freudh gwrys erbynn mebyon Yuda, rag i re skoellyas goes gwiryon yn aga thir.

Habakkuk 3:3

Duw a dheu dhiworth Teman, ha'n Sans dhiworth menydh Paran. Sela. Y veuredh re gudhas an nevow, ha'y wormola re lenwis an nor.

Dewteronomi 23:7

Na aborr Edomyas, drefenn ev dhe vos dha vroder. Na aborr den a Ejyp, rag ty a veu alyon yn y bow.