Yeremia 49:5 - An Bibel Kernewek 20234 (Kernewek Kemmyn)

⁵ Otta, my a dhre euth warnas, yn-medh an Arloedh, Duw an luyow, a-dhiworth oll dha gentrevogyon; ha hwi a vydh skattrys, sket, heb denvyth dhe guntell an fowesigyon.

Yeremia 49:5 ပူးပေါင်းရင်းမြစ်များ

2 Myghternedh 19:7

Ottavy ow korra ynno spyrys, ha pan glew kyhwedhel ev a dhehwel dh'y bow y honan; ha my a wra dhodho koedha der an kledha yn y bow y honan.” ’

Job 15:21

Yma sonyow euthyk yn y dhiwskovarn; yn sewena an distruer a dheu warnodho.

Lavarow Koth 28:1

An debeles a fi dhe'n fo pan nag eus helghyas, mes an re wiryon yw maga hardh avel lew.

Ysay 16:3

‘Dro kusul; gwrewgh ervirans. Gorr dha skeus kepar ha'n nos yn hanter-dydh; Kudh an re skattrys, na drayt an fowesik;

Yeremia 15:8

Aga gwedhwesow yw ynkressys dhymm moy es tewes an moryow; my re dhros erbynn mammow an wer yowynk diswrier dhe hanter-dydh: my re wrug skruth hag euth dhe goedha distowgh warnedha.

Yeremia 16:16

Otta, my a dhannvon war-lergh lies pyskador, yn-medh an Arloedh, hag i a wra aga hachya; hag a-wosa my a dhannvon lies helghor, hag i a's helgh a-dhiworth pub menydh ha pub bre, hag yn-mes a folsyow an kerrek.

Yeremia 20:4

Rag yndellma y lever an Arloedh: Otta, my a'th wra browagh dhis dha honan, ha dhe'th kowetha oll: hag i a goedh gans kledha aga eskerens, ha'th tewlagas a'n gwel: ha my a re Yuda oll yn leuv myghtern Babylon, hag ev a's deg yn divroedh yn Babylon, ha'ga ladha gans an kledha.

Yeremia 46:5

Prag y's gwelis dyegrys ha treylys war-dhelergh? Aga breselyoryon yw gweskys, ha re fias yn fisten, heb mires war-dhelergh; yma euth a bub tu, yn-medh an Arloedh.

Yeremia 49:29

I a gemmer aga thyldow ha'ga flokkys, aga kroglennow hag oll aga gwara; i a gemmer aga hawrvergh dh'aga honan, hag i a gri dhedha: ‘Yma euth a bub tu!’

Yeremia 6:25

Na ge yn-mes dhe'n gwel; na kerdhes war an fordh; rag yma kledha dhe'n eskar, hag euth a bub tu.’

Kynvannow 4:15

‘Dhe-ves! Avlan!’ a veu kriys warnedha. ‘Dhe-ves! Dhe-ves! Na dochyewgh!’ Ytho i a fias dhe'n fo ha gwandra. Y leverys y'n kenedhlow, ‘Na wrens i triga omma namoy.’

Amos 4:3

Ha hwi a dhe-ves der aswaow an fosow, pub huni yn-rag yn unn rew; ha tewlys yn-mes vydhowgh dhe Harmon, yn-medh an Arloedh.

Yoshua 2:9

hag yn-medh hi dhe'n wer: ‘My a woer an Arloedh dhe ri dhywgh an tir; euth ahanowgh re goedhas warnan hag oll trigoryon an tir re deudhis yn own a-ragowgh.