Yeremia 49:39 - An Bibel Kernewek 20234 (Kernewek Kemmyn)

³⁹ Mes y'n dydhyow diwettha my a dhre arta kethneth Elam, yn-medh an Arloedh.

Yeremia 49:39 ပူးပေါင်းရင်းမြစ်များ

Job 42:10

Wosa Job dhe bysi rag y gowetha, an Arloedh a restoryas feus Job hag a ros dhodho diwweyth moy ages dell esa dhodho kyns.

Ysay 2:2

Y'n dydhyow diwettha menydh chi an Arloedh a vydh fastys avel penn an menydhyow; hag y fydh drehevys yn-bann dres an breow, hag oll an kenedhlow a dheu dhodho yn fros.

Yeremia 12:15

Mes wosa aga fesya yn-mes, my a dhehwel ha kemmeres truedh anedha, ha'ga dri arta, peub dh'y eretons, peub dh'y dir.

Yeremia 48:47

Mes my a dreyl kethneth Moab y'n dydhyow diwettha, yn-medh an Arloedh. Bys hemma yma an varn war Moab.

Yeremia 49:38

ha my a sett ow thron yn Elam, ha distrui aga myghtern ha'ga fennsevigyon, yn-medh an Arloedh.

Yeremia 49:6

Hag a-wosa my a dreyl kethneth an Ammonysi, yn-medh an Arloedh.

Ezekiel 29:14

My a dreyl kethneth Ejyp, ha'ga dri arta dhe dir Pathros, dhe dir aga dallethvos, hag y fydhons ena ruvaneth isel.

Ezekiel 38:16

Ty a yskynn erbynn ow fobel Ysrael kepar ha kommolenn dhe gudha an tir. Y'n dydhyow diwettha my a'th tro erbynn ow thir, rag may hwrello an kenedhlow ow aswonn, pan vydhav sanshes dredhowgh, A Gog, a-rag aga dewlagas.

Ezekiel 39:25

Rakhenna yndellma y lever an Arloedh Duw: Lemmyn my a dreyl kethneth Yakob ha kemmeres truedh war oll chi Ysrael; ha my a vydh avius rag ow hanow sans.

Daniel 10:14

Devedhys ov rag gul dhis konvedhes an pyth a hwyrvydh dhe'th pobel yn diwedh an dydhyow, rag bos an welesigeth rag an dydhyow a dheu.’

Daniel 2:28

mes yma yn nev Duw neb a dhiskudh kevrinyow, hag ev re dherivas dhe vyghtern Nebukadnessar pandr'a hwyrvydh y'n dydhyow diwettha. Dha hunros, ha'n gwelesigethow y'th penn war dha weli, o an re ma:

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Amos 9:14

Ha my a dreyl kethneth ow fobel Ysrael, hag i a dhastrehav an sitys dhibobel ha triga ynna; i a blans gwinlannow hag eva aga gwin, hag i a wra lowarthyow ha dybri aga frut.

Mika 4:1

Y'n dydhyow diwettha, menydh chi an Arloedh a vydh fastys avel penn an menydhyow, hag y fydh drehevys yn-bann dres an breow, ha poblow a dheu dhodho yn fros.