Yeremia 49:37 - An Bibel Kernewek 20234 (Kernewek Kemmyn)

³⁷ My a worr euth yn Elam a-rag aga eskerens, hag a-rag an re a hwila aga bewnans; my a dhre anfeusi warnedha, ow sorr fers, yn-medh an Arloedh. My a dhannvon an kledha war aga lergh, bys pan wrav diwedh dhedha;

Yeremia 49:37 ပူးပေါင်းရင်းမြစ်များ

Yeremia 30:24

Ny dreyl konnar fers an Arloedh dhe-ves bys pan gollanwo ha kowlwul towlow y golonn. Y'n dydhyow diwettha hwi a gonvedh hemma.

Yeremia 48:2

Ny vydh namoy gormel a Moab. Yn Heshbon i re dewlis drog er hy fynn: ‘Dewgh, treghyn hi dhe-ves ma na vo kenedhel!’ Hwi ynwedh, A Madmen, a vydh diswrys; an kledha a'th pursiw.

Yeremia 48:39

Ass yw hi terrys! Ass wrons kyni! Ass wrug Moab treylya hy heyn yn meth! Ytho Moab yw devedhys ha bos ges hag euth dhe beub yn y gyrghynn.

Yeremia 49:22

Otta, ev a yskynn ha nija avel an er ha lesa y dhiwaskell war Bosra, ha kolonn breselyoryon Edom y'n jydh na a vydh avel kolonn benyn yn hy gwelivesi.

Yeremia 49:24

Damaskus yw devedhys ha bos gwann, hi re dreylyas dhe fia, ha skruth re's dalghennas, angoes ha gloesow re's synsis, avel benyn yn hy gwelivesi.

Yeremia 49:29

I a gemmer aga thyldow ha'ga flokkys, aga kroglennow hag oll aga gwara; i a gemmer aga hawrvergh dh'aga honan, hag i a gri dhedha: ‘Yma euth a bub tu!’

Yeremia 49:38

ha my a sett ow thron yn Elam, ha distrui aga myghtern ha'ga fennsevigyon, yn-medh an Arloedh.

Yeremia 49:5

Otta, my a dhre euth warnas, yn-medh an Arloedh, Duw an luyow, a-dhiworth oll dha gentrevogyon; ha hwi a vydh skattrys, sket, heb denvyth dhe guntell an fowesigyon.

Yeremia 50:36

Kledha erbynn an goelyogyon, mayth ellons ha bos fellyon! Kledha erbynn hy breselyoryon, may fons lenwys a euth!

Yeremia 6:19

Klew, A norvys: otta, my a dhre drogedh war an bobel ma, frut aga frederow, drefenn na woslowsons orth ow geryow, nag orth ow lagha, mes hy nagha.

Yeremia 9:15

Rakhenna yndellma y lever Arloedh an luyow, Duw Ysrael: Otta, my a vag an bobel ma gans fuelenn, ha ri dhedha dowr gwenonek dhe eva.

Yeremia 9:16

My a wra aga skattra yn mysk an kenedhlow, na aswonnis naneyl i na'ga thasow: ha my a wra dannvon kledha war aga lergh bys pan y's diswrav yn tien.

Ezekiel 12:14

Ha my a skatter dhe bub gwyns oll an re usi a-dro dhodho, y weresoryon, hag oll y soudoryon, ha tenna kledha war aga lergh.

Ezekiel 32:23

Aga bedhow yw settys yn pella rannow an pytt, ha'y ost oll a-dro dh'y bedh, i oll ledhys, koedhys der an kledha, an re a wrug euth yn tir an re vew.

Ezekiel 5:12

Tressa rann ahanowgh a verow dre bla po mos dhe goll dre dhivoetter a-berth ynnos; tressa rann a goedh der an kledha a-dro dhis; ha tressa rann a skattrav dhe oll an gwynsow ha tenna an kledha war aga lergh.

Ezekiel 5:2

Ty a worr tressa rann anodho yn tan yn kres an sita, wosa bos gorfennys dydhyow an esedhva; ha kemmer tressa rann ha gwask gans an kledha a-dro dhe'n sita; ha tressa rann a skattrydh dhe'n gwyns, ha my a denn an kledha war aga lergh.

Levitikus 26:33

Ha my a wra agas skattra yn mysk an kenedhlow, ha tenna yn-mes an kledha war agas lergh; dha dir a vydh ynyal, ha'gas sitys a vydh magoryow.