Yeremia 49:36 - An Bibel Kernewek 20234 (Kernewek Kemmyn)

³⁶ ha my a dhre war Elam an peswar gwyns a beswar korn nev; ha my a's skatter dhe oll an gwynsow ma, ha ny vydh kenedhel vyth dhedhi ma na dheu dhodho fowesigyon Elam.

Yeremia 49:36 ပူးပေါင်းရင်းမြစ်များ

Salmow 147:2

An Arloedh a dhrehav Yerusalem; ev a guntell war-barth divresow Ysrael.

Ysay 11:12

Ev a dhrehav baner rag an kenedhlow ha kuntell divresow Ysrael, ha dri war-barth an re skattrys a Yuda dhiworth peswar korn an norvys.

Ysay 27:13

Hag y'n jydh na, an hirgorn bras a vydh hwythys, ha'n re a veu kellys yn pow Assyria, ha'n re a veu divres yn pow Ejyp a dheu ha gordhya an Arloedh y'n menydh sans, yn Yerusalem.

Ysay 56:8

Yndellma y lever an Arloedh Duw, neb a guntell an re skattrys a Ysrael: My a guntell ynwedh erell dhedha, dres an re kuntellys dhedha seulabrys.

Yeremia 30:17

Rag my a asver yeghes dhis, ha my a yaghha oll dha woliow, yn-medh an Arloedh, drefenn i dhe'th henwel gal, ow leverel: ‘Sion yw; denvyth ny's hwila!’

Yeremia 49:32

Aga hawrvergh a vydh preydh, aga greow a warthek pyllans. My a skatter dhe bub gwyns an re a's teves talyow moel, ha my a dhre terroes er aga fynn a bub tu, yn-medh an Arloedh.

Ezekiel 5:10

Rakhenna tasow a dheber mebyon a-berth ynnos, ha mebyon a dheber aga thasow; ha my a wra breusow ynnos, ha skattra oll an remenant ahanas dhe oll an gwynsow.

Ezekiel 5:12

Tressa rann ahanowgh a verow dre bla po mos dhe goll dre dhivoetter a-berth ynnos; tressa rann a goedh der an kledha a-dro dhis; ha tressa rann a skattrav dhe oll an gwynsow ha tenna an kledha war aga lergh.

Daniel 11:4

Ha kettell sev, y ruvaneth a vydh terrys ha rynnys dhe'n peswar gwyns a nev; ny vydh res dh'y dhiyskynnysi, na herwydh an galloes dredho may rewlyas ev, rag y ruvaneth a vydh diwreydhys, ha res dhe gen re.

Daniel 8:22

An korn a veu terrys, hag yn y le y sevis peswar korn arall, yw peder ruvaneth hag a wra sevel a'y genedhel, mes heb y alloes.

Daniel 8:8

Ena an bogh a omvoghhas dres eghenn; mes kettell dheuth ha bos krev, an korn bras a veu terrys, hag yn y le y sevis peswar korn hewel, war-tu ha'n peswar gwyns a nev.

Amos 9:9

Rag otta, my a worhemmynn, ha shakya chi Ysrael yn mysk an gwlasow, kepar ha shakya kroeder, ha ny goedh bilienn vyth dhe'n leur.

Zekaria 6:5

An el a worthybis dhymm, ‘An re ma yw an peswar gwyns a nev esa ow mos yn-mes dhiworth aga savla a-rag Arloedh oll an norvys.

Dewteronomi 28:25

An Arloedh a wra dhis bos fethys gans dha eskerens. Yth edh yn-mes er y bynn yn unn fordh ha fia yn seyth fordh a-ragdho, ha ty a vydh euth dhe oll kenedhlow an norvys.

Dewteronomi 28:64

Ena an Arloedh a wra dha skattra yn mysk oll an poblow dhiworth unn penn a'n norvys bys y'n penn arall, hag ena ty a serv duwow erell neb na aswonnsys, naneyl ty na'th tasow, prenn ha men.

Diskwedhyans 7:1

Ha wosa hemma, my a welas peswar el ow sevel war an peswar korn a'n norvys, ow synsi peswar gwyns an norvys ma na hwyttha gwyns war an dor na war an mor, na war wydhenn vyth.