Yeremia 49:3 - An Bibel Kernewek 20234 (Kernewek Kemmyn)

³ Oul, A Heshbon, rag Ay yw gwastys! Kriewgh, A vyrghes Rabba, Omwrogysewgh gans yskar, galarewgh, ha poenyewgh omma hag ena ryb an keow. Rag Milkom a yn divroedh, war-barth gans y oferysi ha'y bennsevigyon.

Yeremia 49:3 ပူးပေါင်းရင်းမြစ်များ

2 Samuel 11:1

Yn gwenton an vlydhen, y'n termyn mayth a myghternedh yn-rag dhe vatalyas, Davydh a dhannvonas Yoab ha'y wesyon ganso, hag oll Ysrael; hag i a dhistruis an Ammonysi, hag omsettya a-dro dhe Rabba. Mes Davydh a wortas yn Yerusalem.

1 Myghternedh 11:33

Hemm yw drefenn ev dhe'm eskasa ha gordhya Ashtoreth duwes an Sidonysi, Kemosh duw Moab, ha Milkom duw an Ammonysi, ha ny gerdhas yn ow fordhow, ow kul an pyth yw ewn yn ow golok ha gwitha ow ordenansow ha'm breusow, dell wrug y das Davydh.

1 Myghternedh 11:5

Rag Solomon a holya Ashtoreth duwes an Sidonysi ha Milkom pyth kasadow an Ammonysi.

2 Myghternedh 23:13

An myghtern a dhefolas an tylleryow ughel a'n est dhe Yerusalem, a'n soth dhe venydh an Distruyans, drehevys gans Solomon myghtern Ysrael rag Ashtoreth, mostedhes an Sidonysi, rag Kemosh, mostedhes Moab, ha rag Milkom, mostedhes an Ammonysi.

Ezra 2:28

Gwer Bethel hag Ay, dew kans, tri warn ugens.

Ysay 13:6

Oulyewgh, rag ogas yw dydh an Arloedh; kepar ha terroes dhiworth an Ollgalloesek.

Ysay 14:31

Oul a yet, kri a sita; teudh yn own, Filistia, ty oll. Mog a dheu dhiworth an gogledh, ha nyns eus termynek yn y renkow.

Ysay 15:2

Dibon re yskynnas dhe'n tempel, dhe'n tylleryow ughel dhe oela; war Nebo ha war Medeba Moab a oul. War bub penn yma bloghter, ha treghys yw pub barv.

Ysay 16:7

Ytho Moab a oul, i oll a oul rag Moab. Kynewgh rag tesennow-grappys Kir-hareseth, hwi hag yw kowldhistruys.

Ysay 23:1

Profoesans a-dro dhe Tyr. Oulyewgh, a worholyon Tarshish; rag gwastys yw, heb chi, heb porth. Dhiworth pow Kyprus yw diskudhys dhedha.

Ysay 23:6

Treusewgh dhe Tarshish, oulyewgh, annedhysi an arvor!

Yeremia 4:8

Rakhenna omwrogysewgh gans yskar, kynewgh hag oulyewgh: ‘Ny dreylyas ahanan sorr fers an Arloedh.’

Yeremia 46:25

Arloedh an luyow, Duw Ysrael, a leveris: Otta, my a dhre kessydhyans war Amon a Thebes, ha Faro, hag Ejyp, ha'ga duwow ha'ga myghternedh, war Faro ha'n re a fydh ynno.

Yeremia 48:2

Ny vydh namoy gormel a Moab. Yn Heshbon i re dewlis drog er hy fynn: ‘Dewgh, treghyn hi dhe-ves ma na vo kenedhel!’ Hwi ynwedh, A Madmen, a vydh diswrys; an kledha a'th pursiw.

Yeremia 48:20

Moab yw gorrys dhe veth, rag hy bos terrys; kynewgh hag oelewgh! Leverewgh e yn Arnon, Moab dhe vos gwastys.

Yeremia 48:37

Rag pub penn a vydh moel ha pub barv treghys dhe-ves; war bub leuv y fydh skwardyow, hag yskar war an klunyow.

Yeremia 48:7

Rag drefenn ty dhe fydhya yn dha dhinasow hag y'th tresoryow, ty ynwedh a vydh kemmerys; Kemosh a yn divroedh, war-barth gans y oferysi ha'y bennsevigyon.

Yeremia 49:1

A-dro dhe'n Ammonysi. Yndellma y lever an Arloedh: A nyns eus mebyon dhe Ysrael? A nyns eus her dhodho? Prag ytho yth eritas Milkom Gad ha'y bobel re annedhis yn y sitys?

Yeremia 51:8

Distowgh Babylon yw koedhys ha brewys; kynewgh rygdhi! Kemmerewgh balsam rag hy goli; may fo martesen yaghhes.

Yeremia 6:26

A vyrgh ow fobel, omwrogys yn yskar, hag omrol yn lusu: gwra kyni, avel rag dha unn vab, kynvann a'n hwerwa: rag a-dhistowgh an distruer a dheu warnan.

Amos 1:15

ha mos a wra aga myghtern dhe dhivroedh, ev ha'y bennternedh war-barth, yn-medh an Arloedh.

Sefania 1:5

ha'n re a ombleg war an tohow dhe lu an nevow; ha'n re a ombleg war an tohow ha ti re'n Arloedh ha ti ynwedh re Milkom;

Jamys 5:1

Dewgh lemmyn, a dus rych, gwrewgh oela ha kyni war agas galarow ow tos warnowgh.

Yoshua 7:2

Yoshua a dhannvonas gwer dhiworth Yeriko dhe Ay, usi ogas dhe Beth-aven, a'n howldrevel dhe Bethel, hag a leveris dhedha, ‘Kewgh yn-bann hag aspia an tir.’ Ha'n wer eth yn-bann hag aspia Ay.

Yoshua 8:1

An Arloedh a leveris dhe Yoshua, ‘Na borth own ha na vydh digolonnek. Kemmer oll an soudoryon genes, ha ke yn-bann dhe Ay. Mir, my re ros myghtern Ay y'th leuv war-barth gans y bobel, y sita, ha'y dir.

Yoshua 8:28

Yoshua a loskas Ay, ha'y wul bys vykken krug a vagoryow, tyller ynyal dell yw bys y'n jydh ma.