Yeremia 49:29 - An Bibel Kernewek 20234 (Kernewek Kemmyn)

²⁹ I a gemmer aga thyldow ha'ga flokkys, aga kroglennow hag oll aga gwara; i a gemmer aga hawrvergh dh'aga honan, hag i a gri dhedha: ‘Yma euth a bub tu!’

Yeremia 49:29 ပူးပေါင်းရင်းမြစ်များ

Yeremia 46:5

Prag y's gwelis dyegrys ha treylys war-dhelergh? Aga breselyoryon yw gweskys, ha re fias yn fisten, heb mires war-dhelergh; yma euth a bub tu, yn-medh an Arloedh.

Yeremia 6:25

Na ge yn-mes dhe'n gwel; na kerdhes war an fordh; rag yma kledha dhe'n eskar, hag euth a bub tu.’

Habakkuk 3:7

My a welas tyldow Kushan yn ahwer, kroglennow tyldow bro Midyan a gren.

Salmow 120:5

Go-vy, ow bos trigys avel alyon yn Meshek, ow bos owth annedhi tyldow Kedar.

2 Korinthianys 7:5

Yn tevri, pan dheuthen ni yn Makedonia nyns esa dh'agan korf powes vyth, mes galar a berthsyn ni yn pub fordh; strifow a-ves ahanan, own a-ji dhyn.

2 Korinthianys 4:8

yn-dann alar yn pub maner, nyns on ni yn ahwer; penndegys, nyns eson ni yn desper;

Yeremia 49:24

Damaskus yw devedhys ha bos gwann, hi re dreylyas dhe fia, ha skruth re's dalghennas, angoes ha gloesow re's synsis, avel benyn yn hy gwelivesi.

Yeremia 10:20

Ow thylda yw diswrys, hag oll ow herdyn yw terrys: ow fleghes yw gyllys ahanav, ha nyns esons namoy: nyns eus nagonan dhe lesa ow thylda namoy, na dhe sevel ow kroglennow.

Yeremia 4:20

Distruyans a siw distruyans; rag oll an tir yw diswrys: distowgh ow thyldow yw diswrys, ha'm kroglennow yn hwers.

Ysay 60:7

Oll flokkys Kedar a vydh kuntellys dhis, hordhes Nebayoth a'th serv; i a dheu yn-bann dhe'm alter avel sakrifis kemmeradow, ha my a dekha chi ow glori.

Ysay 13:20

Ny vydh annedhys nevra, ha ny drig denvyth ynni a henedh dhe henedh; ny sett Arabyon aga thyldow ena, ha ny wra bugeledh greow dhe bowes ena.

Salmow 31:13

Rag my re glewas kabel lies huni; yth esa euth a bub tu, hag i owth omgusulya war-barth er ow fynn; i a dewlis towl dhe gemmeres ow bewnans.

Job 1:3

Ev a'n jevo seyth mil dhavas, tri mil gowrvargh, pymp kans kopel a oghen, ha pymp kans asen benow ha palster a servysi, mayth o an gour ma an brassa yn mysk oll tus an Est.

Breusysi 8:26

Poester an bysowyer skovarn a bysis ev o mil seyth kans a shekalim a owr (heb rekna an grommanow ha'n tegennow ha'n dillas purpur may feu myghternedh Midyan gwiskys ynna, ha'n mongarennow esa war gonnaow aga howrvergh.)

Breusysi 8:21

Ena Zebagh ha Salmunna a leveris, ‘Ty, deus ha ladh ni dha honan, rag par dell yw an gour, yndella yw y nerth.’ Ytho Gideon a sevis ha ladha Zebagh ha Salmunna; hag ev a gemmeras an grommanow esa war gonnaow aga howrvergh.

Breusysi 7:12

An Midyanysi ha'n Amalekysi hag oll mebyon an est a wrowedha y'n nans avel hes a lokustes; ha'ga howrvergh o diniver, avel tewes an morrep.

Breusysi 6:5

Rag i ha'ga chatel a dho yn-bann, hag i a dhri aga thyldow, kemmys ha lokustes; nyns ens i dhe nivera, naneyl i aga honan na'ga howrvergh; i a entras an tir dh'y wastya.

Jenesis 37:25

Hag i a esedhas dhe dhybri bara, hag i a dhrehevis aga lagasow ha mires, hag awotta, karavan a Yshmaelysi ow tos dhiworth Gilead. Yth esa aga howrvergh ow toen spisys, balsam ha myrr, ow vyajya dh'aga doen yn-nans dhe Ejyp.

Yeremia 49:5

Otta, my a dhre euth warnas, yn-medh an Arloedh, Duw an luyow, a-dhiworth oll dha gentrevogyon; ha hwi a vydh skattrys, sket, heb denvyth dhe guntell an fowesigyon.