Yeremia 49:24 - An Bibel Kernewek 20234 (Kernewek Kemmyn)

²⁴ Damaskus yw devedhys ha bos gwann, hi re dreylyas dhe fia, ha skruth re's dalghennas, angoes ha gloesow re's synsis, avel benyn yn hy gwelivesi.

Yeremia 49:24 ပူးပေါင်းရင်းမြစ်များ

Jenesis 3:16

Dhe'n venyn ev a leveris, ‘My a gress dha bayn yn feur ha ty gans flogh; yn payn y fydhydh ow tineythi fleghes, mes dha dhesir a vydh troha dha wour, hag ev a wra dha rewlya.’

Ysay 13:8

I a vydh dyegrys, gloesow ha keudh a's kemmer, i a vydh yn angoes kepar ha benyn ow tineythi. I a vir gans marth an eyl orth y gila, aga fasow a vydh avel flammow.

Yeremia 30:6

Govynnewgh lemmyn ha mirewgh, a yll gour dineythi flogh? Ytho prag y hwelav pub gour ha'y dhiwleuv war y dhiwglun avel benyn yn gwelivesi, ha pub fas treylys gwannliwek?

Yeremia 4:31

Rag my re glewas lev avel benyn yn lavur, ha'n gloesow avelli hi neb a dhineyth hy hynsa flogh, lev myrgh Sion, ow tyena rag anall, ow lesa hy diwleuv, ‘Go-vy! Klamdera a wrav drefenn ladhoryon.’

Yeremia 48:41

an sitys a vydh kemmerys ha'n dinasow dalghennys. Kolonn kasoryon Moab y'n jydh na a vydh kepar ha kolonn benyn yn hy gwelivesi.

Yeremia 49:22

Otta, ev a yskynn ha nija avel an er ha lesa y dhiwaskell war Bosra, ha kolonn breselyoryon Edom y'n jydh na a vydh avel kolonn benyn yn hy gwelivesi.

Yeremia 49:29

I a gemmer aga thyldow ha'ga flokkys, aga kroglennow hag oll aga gwara; i a gemmer aga hawrvergh dh'aga honan, hag i a gri dhedha: ‘Yma euth a bub tu!’

Yeremia 49:37

My a worr euth yn Elam a-rag aga eskerens, hag a-rag an re a hwila aga bewnans; my a dhre anfeusi warnedha, ow sorr fers, yn-medh an Arloedh. My a dhannvon an kledha war aga lergh, bys pan wrav diwedh dhedha;

Yeremia 50:43

Myghtern Babylon a glewas nowodhow anedha, ha'y dhiwleuv a goedhas diweres; angoes a'n dalghennas, ha gloesow avel benyn yn gwelivos.

Yeremia 6:24

‘Ni re glewas son anodho: diweres yw agan diwleuv: angoes re'gan dalghennas, ha poen avel benyn yn gwelivesi.

Hosea 13:13

An paynys a venyn yn lavur a dheu ragdho, mes ev yw mab anfur; pan dheu an prys ny yll ev dos dhe vin konna an brys.

Matthew 24:8

Mes dalleth gloesow yw henna oll.

Mark 13:8

Rag kenedhel a sev erbynn kenedhel ha gwlaskor erbynn gwlaskor; y fydh dorgrysyow yn lower le, y fydh divoetter; dalleth gloesow yw an re ma.