Yeremia 49:23 - An Bibel Kernewek 20234 (Kernewek Kemmyn)

²³ A-dro dhe Damaskus. Hamath hag Arpad a's teves meth, drefenn i dhe glewes yeyn nowodhow; i a deudh yn own, troblys yns avel an mor na yll bos kosel.

Yeremia 49:23 ပူးပေါင်းရင်းမြစ်များ

Jenesis 14:15

Hag yn nos ev a rannas y lu er aga fynn, ev ha'y wesyon, ha'ga fetha, ha'ga chasya bys yn Hoba usi a'n barth kledh dhe Damaskus.

Jenesis 15:2

Hag yn-medh Abram, ‘Arloedh Duw, pandr'a vynn'ta ri dhymm, rag yth ov prest heb flogh, ha her ow chi a vydh Eliezer a Damaskus?’

2 Samuel 17:10

Ha'n gour ynwedh neb yw kolonnek, gans kolonn kepar ha lew, a deudh glan dhe-ves gans own, rag oll Ysrael a woer bos dha das kasor, ha'n re usi ganso yw kasoryon alloesek.

2 Samuel 8:9

Pan glewas Toi myghtern Hamath Davydh dhe fetha oll lu Hadadezer,

1 Myghternedh 11:24

Ev a guntellas gwer dhodho ha dos ha bos kapten bagas preydhoryon, wosa an ladhva gans Davydh; i eth dhe Damaskus ha triga ena ha gul dhodho bos myghtern yn Damaskus.

2 Myghternedh 17:24

Myghtern Assyria a dhros tus dhiworth Babylon, Kutha, Avva, Hamath, ha Sefarvaym, ha'ga gorra yn sitys Samaria yn le an Ysraelysi; hag i a gemmeras Samaria yn perghennogeth, ha triga yn hy threvow.

2 Myghternedh 18:34

Ple'ma duwow Hamath hag Arpad? Ple'ma duwow Sefarvaym, Hena hag Ivva? A dhelivrsons Samaria mes a'm leuv?

2 Myghternedh 19:13

Ple'ma myghtern Hamath, ha myghtern Arpad, ha myghtern an sita Sefarvaym, Hena, hag Ivva?’

2 Myghternedh 5:12

A nyns yw Abana ha Farpar, avonyow Damaskus, gwell ages oll an dowrow yn Ysrael? A ny allav omwolghi ynna ha bos glan?’ Ytho ev a dreylyas ha mos dhe-ves yn konnar.

2 Kroniklys 16:2

Ena Asa a gemmeras an arghans ha'n owr yn-mes a dresorvaow chi an Arloedh, hag a's dannvonas dhe Ben-hadad myghtern Aram, trigys yn Damaskus, ow leverel,

Eksodus 15:15

Lemmyn pennternedh Edom yw dyegrys; ledyoryon Moab yw dalghennys yn kren; oll annedhysi Kanan re deudhis dhe-ves;

Ysay 10:9

A nyns yw Kalno avel Karkemish? A nyns yw Hamath avel Arpad? A nyns yw Samaria avel Damaskus?

Ysay 11:11

Y'n jydh na an Arloedh a ystynn y leuv an nessa gweyth dhe dhaskavoes remenant y bobel yw gesys, dhiworth Assyria, dhiworth Ejyp, dhiworth Pathros, dhiworth Ethiopia, dhiworth Elam, dhiworth Shinar, dhiworth Hamath, ha dhiworth ynysow an mor.

Ysay 13:7

Rakhenna pub leuv a vydh gwann, ha'n golonn a bub den a deudh.

Ysay 36:19

Ple'ma duwow Hamath hag Arpad? Ple'ma duwow Sefarvaym? A dhelirvsons Samaria yn-mes a'm leuv?

Ysay 37:13

Ple'ma myghtern Hamath, ha myghtern Arpad, ha myghtern an sita Sefarvaym, Hena hag Ivva?’

Ysay 57:20

Mes an debeles yw avel mor ow hwythfia, rag ny yll bos kosel, ha'y dhowrow a dewl yn-bann leys ha stag.

Ysay 7:8

rag penn Aram yw Damaskus ha penn Damaskus yw Resin; hag a-ji dhe bymp blydhen ha tri-ugens Efraym a vydh terrys dhe demmyn ma na vydh pobel na fella.

Yeremia 39:5

Mes lu an Kaldeanys a's pursiwyas, ha tremena dres Sedekia yn plenys Yeriko; ha pan y'n kemmersons, i a'n dros dhe Nebukadnessar myghtern Babylon, dhe Ribla, yn pow Hamath; hag ev a ros breus warnodho

Ezekiel 27:18

Damaskus o dha gowethyas yn kenwerth, dre reson dha lies askorr, hag oll dha rychys yn gwin a Helbon ha gwlan dhiworth Sahar.

Amos 6:2

Tremenewgh dhe Kalne, ha gwelewgh, hag alena kewgh dhe Hamath veur, hag ena diyskynnewgh dhe Gath an Filistysi. Yns i gwell ages an gwlaskordhow ma? Po yw aga thiredh brassa ages agas tiredh hwi?

Nahum 2:10

Gwakter, difeyth ha diswrians! An golonn ow teudhi, dewlin ow trebuchya, diwglun oll ow krena, ha pub fas devedhys ha bos diliw!

Niverow 13:21

Ytho i a yskynnas hag aspia an tir a wylvos Sin dhe Rehob, troha Lebo-hamath.

Oberow 27:20

Pan na omdhiskwedhas na howl na ster lies dydh, hag yth esa hager-awel a-has ow kweskel, pub govenek y fedhen ni sawys a veu kellys.

Oberow 9:2

ha pysi dhiworto lytherow dhe'n synagys yn Damaskus may trolla yn kelmys dhe Yerusalem myns a dus an Fordh a gaffa, ha gwer ha benynes.

2 Korinthianys 11:32

Yn Damaskus an ethnargh yn-dann vyghtern Aretas a worras gwithysi yn sita tus Damaskus rag ow dalghenna,

Dewteronomi 20:8

Ena an soedhogyon a gews dhe'n bobel arta ha leverel, ‘Eus gour a berth own ha digolonnek yw? Es ev ha dehweles dh'y ji, ma na wrello dhe golonn y vreder teudhi kepar ha'y golonn ev.’

Yoshua 14:8

Byttegyns ow breder eth yn-bann genev a wrug kolonn an dus teudhi yn own; mes my a besyas len dhe'n Arloedh ow Duw.

Yoshua 2:11

Ni a glewas, ha'gan kolonn a deudhis, ha nyns esa spyrys gesys yn denvyth a'gas govis; rag an Arloedh agas Duw yw Duw yn nev a-vann ha war an nor a-woeles.