Yeremia 49:10 - An Bibel Kernewek 20234 (Kernewek Kemmyn)

¹⁰ Mes my, my re dhestryppyas Esaw, my re dhiskudhas y dylleryow kudh, ha ny yll omgudha. Y has yw distruys, y neskerens ha'y gentrevogyon; nyns usi namoy.

Yeremia 49:10 ပူးပေါင်းရင်းမြစ်များ

Salmow 37:28

Rag an Arloedh a gar gwirvreus, ha ny as y syns. Gwithys yns i bynitha, mes has an debeles a vydh treghys dhe-ves.

Ysay 17:14

Gorthugherweyth, awotta euth tromm! Kyns myttin gyllys yns. Hemm yw tenkys an re a'gan raven, ha kevrenn an re a'gan pyll.

Ysay 45:3

My a re dhis tresoryow a dewlder, ha rychys kudhys yn tylleryow kevrinek, rag may hwodhvi yth yw my, an Arloedh, Duw Ysrael, neb a'th elow orth dha hanow.

Yeremia 13:26

Ytho my ow honan a wra drehevel dha lostennow dres dha fas, may fydh gwelys dha veth.

Yeremia 23:24

A yll gour omgudha yn tylleryow kudhys ma na'n gwelav? yn-medh an Arloedh. A ny wrav lenwel nev ha nor? yn-medh an Arloedh.

Kynvannow 4:22

Kowlwrys yw kessydhyans dha sherewneth, a vyrgh Sion, ny wra ev dha witha yn divroedh na fella; ev re wrug dha gessydhya drefenn dha sherewneth, a vyrgh Edom, ha diskudha dha beghosow.

Amos 9:3

Kynth omgudhons war wartha menydh Karmel, my a's hwila alena ha'ga hemmeres; ha kynth yns i kudhys a-dherag ow dewlagas yn goeles an mor, ena my a worhemmynn dhe'n sarf, ha hi a's brath.

Obadia 1:6

Mes assa vydh Esaw leun hwithrys, pyllys y dresoryow kudh!

Obadia 1:9

Dha gasoryon a berth own, Teman, rag bos pub den oll a venydh Esaw treghys dhe-ves.

Romanyon 9:13

Dell yw skrifys, ‘Yakob a geris mes Esaw a gesis.’