Yeremia 49:1 - An Bibel Kernewek 20234 (Kernewek Kemmyn)

¹ A-dro dhe'n Ammonysi. Yndellma y lever an Arloedh: A nyns eus mebyon dhe Ysrael? A nyns eus her dhodho? Prag ytho yth eritas Milkom Gad ha'y bobel re annedhis yn y sitys?

Yeremia 49:1 ပူးပေါင်းရင်းမြစ်များ

Jenesis 19:38

Ha'n yowynka, hi ynwedh a dhineythis mab ha gelwel y hanow Ben-ammi; an keth hemma yw tas an Ammonysi bys y'n jydh hedhyw.

2 Myghternedh 10:33

dhiworth an Yordan dhe'n howldrevel, oll tiredh Gilead, an Gadysi, ha'n Rewbenysi, ha'n Manassysi, dhiworth Aroer usi ryb nans Arnon, henn yw, Gilead ha Bashan.

2 Myghternedh 24:2

An Arloedh a dhannvonas er y bynn bagasow a Kaldeanys, bagasow a Aramysi, bagasow a Moabysi ha bagasow a Ammonysi; ev a's dannvonas erbynn Yuda rag y distrui, herwydh ger an Arloedh a gewsis der y wesyon an brofoesi.

2 Kroniklys 20:1

Wosa hemma an Moabysi, an Ammonysi, ha gansa re a'n Meunysi, a dheuth erbynn Yehoshafat rag batalyas.

2 Kroniklys 20:23

Rag mebyon Ammon ha Moab a omsettyas erbynn trigoryon menydh Seir, dh'aga diswul yn tien; ha wosa diswul trigoryon Seir, i eth yn-rag ow tistrui an eyl y gila.

Nehemia 2:19

Mes pan glewas Sanballat an Horonyas, ha Tobia an gwas, an Ammonyas, ha Geshem an Arab a-dro dh'agan towlow, i a wrug ges ahanan ha'gan dispresya, ow leverel, ‘Pyth yw an dra ma esowgh hwi ow kul? Esowgh hwi ow rebellya erbynn an myghtern?’

Nehemia 4:7

Mes pan glewas Sanballat ha Tobia ha'n Arabyon ha'n Ammonysi ha'n Ashdodysi bos ewnheans fosow Yerusalem ow mos yn-rag ha'n aswaow ow talleth dhe vos deges, y fons pur serrys.

Salmow 83:7

Gebal, hag Ammon, hag Amalek, Filistia ha'n re usi trigys yn Tyr.

Salmow 9:6

An eskar yw treylys yn magoryow bys vykken; ty re dhiwreydhyas aga sitys; aga hovadh res eth dhe goll.

Yeremia 12:14

Yndellma y lever an Arloedh erbynn oll ow thebel gentrevogyon, a doch an eretons a res dhe'm pobel Ysrael dh'y erita: Otta, my a's fes yn-mes a'ga thir, ha fesya chi Yuda a'ga mysk.

Yeremia 25:21

Edom, ha Moab, ha'n Ammonysi;

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Yeremia 27:3

Ha dannvon dhe vyghtern Edom, ha dhe vyghtern Moab, ha dhe vyghtern an Ammonysi, ha dhe vyghtern Tyr, ha dhe vyghtern Sidon dre leuv an kannasow a dheu dhe Yerusalem dhe Sedekia myghtern Yuda.

Yeremia 48:1

A-dro dhe Moab. Yndellma y lever Arloedh an luyow, Duw Ysrael: Go-ev, Nebo, gwastys yw! Kiryathaym yw gorrys dhe veth ha kemmerys; Misgab yw methek hag a berth euth.

Yeremia 49:23

A-dro dhe Damaskus. Hamath hag Arpad a's teves meth, drefenn i dhe glewes yeyn nowodhow; i a deudh yn own, troblys yns avel an mor na yll bos kosel.

Yeremia 49:28

A-dro dhe Kedar ha gwlaskordhow Hasor a wrug Nebukadnessar myghtern Babylon aga fetha. Yndellma y lever an Arloedh: Sevewgh, kewgh yn-bann erbynn Kedar, ha distruewgh pobel an duryen.

Yeremia 49:7

A-dro dhe Edom. Yndellma y lever an Arloedh: A nyns eus furneth na fella yn Teman? Yw kusul an dhoethyon gyllys dhe goll? Yw pedrys aga furneth?

Ezekiel 21:25

Ha ty pennsevik Ysrael, tebelwas ansans, may teuth y dhydh, termyn y gessydhyans finek,

Ezekiel 25:1

Ger an Arloedh a dheuth dhymm, ow leverel:

Sefania 1:5

ha'n re a ombleg war an tohow dhe lu an nevow; ha'n re a ombleg war an tohow ha ti re'n Arloedh ha ti ynwedh re Milkom;

Niverow 1:24

A vebyon Gad, aga linyeth, herwydh aga theyluyow, herwydh chiow aga thasow, herwydh niver an henwyn, a-dhia ugens bloedh ha moy, peub a ylli mos yn-rag dhe vresel:

Dewteronomi 2:19

Pan dheudh nes dhe vebyon Ammon, na omladh er aga fynn, ha na enter yn kas gansa, rag ny rov travyth a diredh an Ammonysi dhis avel eretons, rag my a'n ros dhe vebyon Lot avel eretons.’

Dewteronomi 23:3

Naneyl Ammonyas na Moabyas ny enter a-ji dhe guntelles an Arloedh; hwath bys y'n degves henedh ny enter aga diyskynnysi a-ji dhe guntelles an Arloedh bys vykken,

Dewteronomi 23:4

drefenn na'gas metsons gans bara ha gans dowr y'n fordh pan dheuthewgh yn-mes a Ejyp, hag arveth er dha bynn Balaam mab Beor dhiworth Pethor yn Aram Naharaym dhe'th vollethi.