Yeremia 48:7 - An Bibel Kernewek 20234 (Kernewek Kemmyn)

⁷ Rag drefenn ty dhe fydhya yn dha dhinasow hag y'th tresoryow, ty ynwedh a vydh kemmerys; Kemosh a yn divroedh, war-barth gans y oferysi ha'y bennsevigyon.

Yeremia 48:7 ပူးပေါင်းရင်းမြစ်များ

2 Samuel 5:21

I a asas aga idolys ena, ha Davydh ha'y wer a's dug dhe-ves.

1 Myghternedh 11:33

Hemm yw drefenn ev dhe'm eskasa ha gordhya Ashtoreth duwes an Sidonysi, Kemosh duw Moab, ha Milkom duw an Ammonysi, ha ny gerdhas yn ow fordhow, ow kul an pyth yw ewn yn ow golok ha gwitha ow ordenansow ha'm breusow, dell wrug y das Davydh.

1 Myghternedh 11:7

Ena Solomon a dhrehevis tyller ughel rag Kemosh pyth kasadow an Ammonysi, war an menydh a'n duryen dhe Yerusalem.

Salmow 40:4

Gwynnvys an gour re worras y fydhyans y'n Arloedh, ha na wra vri a'n re woethus na'n re a dreyl dhe falsuri.

Salmow 52:7

‘Ottomma an gour na wrug Duw y skovva, mes ev a drestyas yn y rychys meur, ha hwilas skovva yn y sherewneth.’

Yeremia 13:25

Homm yw dha gevrenn, dha rann a vusuris dhis, yn-medh an Arloedh; drefenn ty dhe'm ankevi, ha fydhya yn gowegneth.

Yeremia 43:12

Ev a dhew tan yn chiow duwow Ejyp. Ev a's lesk, ha'ga doen dhe-ves yn kethneth, hag ev a lanha pow Ejyp, par dell lanha bugel y dhillas; hag ev a omdenn alena yn kres.

Yeremia 48:13

Ha Moab a'n jevydh meth a Kemosh, dell borthas chi Ysrael meth a Bethel, may trestsons ynno.

Yeremia 48:46

Go-jy, Moab! Pobel Kemosh res eth dhe goll, rag agas mebyon yw kemmerys yn keth, ha'th vyrghes yn kethneth.

Yeremia 49:3

Oul, A Heshbon, rag Ay yw gwastys! Kriewgh, A vyrghes Rabba, Omwrogysewgh gans yskar, galarewgh, ha poenyewgh omma hag ena ryb an keow. Rag Milkom a yn divroedh, war-barth gans y oferysi ha'y bennsevigyon.

Yeremia 49:4

Prag y fostydh y'th nerth? Dha nerth a deudh dhe-ves, A vyrgh dhislen. Ty a fydhyas y'th tresoryow, ow leverel, ‘Piw a dheu er ow fynn?’

Yeremia 9:23

Yndellma y lever an Arloedh: Na esewgh an den fur dhe vostya yn y furneth, na na esewgh an den krev dhe vostya yn y grevder, na na esewgh an den rych dhe vostya yn y rychys:

Hosea 10:13

Hwi re aras droktra, ha mysi anewnder, ha re dhyb'sowgh an frut a wowyow; rag ty a drestyas y'th fordh, yn niver bras dha gasoryon.

Niverow 21:29

Go-jy, A Moab! Ty yw diswrys, a bobel Kemosh! Ev re wrug y vebyon yn fowesigyon, ha'y vyrghes yn kethesow, dhe vyghtern an Amorysi, Sihon.

1 Timothi 6:17

Gorhemmynn dhe'n dus yw rych y'n bys ma na vons i goethus na trestya yn rychys nag yw sur, mes yn Duw, a brof dhyn pup-tra yn rych dhe wul devnydh 'vas anodho.

Diskwedhyans 18:7

Kepar dell wrug hi omwordhya ha bewa yn rychys, yndellma rewgh dhedhi payn hag ahwer, rag hi a leveris yn hy holonn, “My yw esedhys myghternes, ha nyns ov vy gwedhwes, ha ny welav ahwer.”

Breusysi 11:24

A ny dhelledh dhis kavoes an pyth a re dha dhuw Kemosh dhis dh'y gavoes? Hag a ny dhelledh dhyn kavoes oll an pyth a re an Arloedh agan Duw dhyn ni?