Yeremia 48:41 - An Bibel Kernewek 20234 (Kernewek Kemmyn)

⁴¹ an sitys a vydh kemmerys ha'n dinasow dalghennys. Kolonn kasoryon Moab y'n jydh na a vydh kepar ha kolonn benyn yn hy gwelivesi.

Yeremia 48:41 ပူးပေါင်းရင်းမြစ်များ

Ysay 13:8

I a vydh dyegrys, gloesow ha keudh a's kemmer, i a vydh yn angoes kepar ha benyn ow tineythi. I a vir gans marth an eyl orth y gila, aga fasow a vydh avel flammow.

Ysay 21:3

Rakhenna ow diwglun yw leun a grena, gloesow a'm kemmeras kepar ha gloesow dineythi; troblys ov ma na allav klewes, ha dyegrys ov ma na allav gweles.

Yeremia 30:6

Govynnewgh lemmyn ha mirewgh, a yll gour dineythi flogh? Ytho prag y hwelav pub gour ha'y dhiwleuv war y dhiwglun avel benyn yn gwelivesi, ha pub fas treylys gwannliwek?

Yeremia 4:31

Rag my re glewas lev avel benyn yn lavur, ha'n gloesow avelli hi neb a dhineyth hy hynsa flogh, lev myrgh Sion, ow tyena rag anall, ow lesa hy diwleuv, ‘Go-vy! Klamdera a wrav drefenn ladhoryon.’

Yeremia 4:9

Hag y hwyrvydh y'n jydh na, yn-medh an Arloedh, kolonn an myghtern na dhe goll, ha kolonn an bennternedh; krena a wra an oferysi, ha dyegrys vydh an brofoesi.

Yeremia 48:24

ha Kerioth, ha Bosra, ha war oll an sitys a bow Moab, pell hag ogas.

Yeremia 49:22

Otta, ev a yskynn ha nija avel an er ha lesa y dhiwaskell war Bosra, ha kolonn breselyoryon Edom y'n jydh na a vydh avel kolonn benyn yn hy gwelivesi.

Yeremia 49:24

Damaskus yw devedhys ha bos gwann, hi re dreylyas dhe fia, ha skruth re's dalghennas, angoes ha gloesow re's synsis, avel benyn yn hy gwelivesi.

Yeremia 50:37

Kledha erbynn hy mergh ha'y charettow, hag erbynn oll an soudoryon estren yn hy mysk, mayth ellons ha bos avel benynes! Kledha erbynn oll hy thresoryow, may fons pyllys!

Yeremia 50:43

Myghtern Babylon a glewas nowodhow anedha, ha'y dhiwleuv a goedhas diweres; angoes a'n dalghennas, ha gloesow avel benyn yn gwelivos.

Yeremia 51:30

Breselyoryon Babylon re hepkorras omladh, i a worta yn aga dinasow; aga nerth re fyllis, i res eth ha bos avel benynes; tan re beu gorrys yn hy annedhow, hy barrow yw terrys.

Yeremia 6:24

‘Ni re glewas son anodho: diweres yw agan diwleuv: angoes re'gan dalghennas, ha poen avel benyn yn gwelivesi.

Amos 2:2

Ytho my a dhannvon tan war Moab dhe dhevorya palesyow Kerioth; ha Moab a verow yn mysk tervans, yn mysk garm ha son an korn;

1 Thessalonianys 5:3

Tus pan leverons, ‘Yma kres ha diogeledh’, ena diswrians tromm a dheu warnedha kepar ha gloes dineythyans dhe venyn gans flogh, ha ny wrons diank mann.