Yeremia 48:27 - An Bibel Kernewek 20234 (Kernewek Kemmyn)

²⁷ A nyns o Ysrael ges dhis, kyn nag o kevys yn mysk ladron? rag peskweyth may kewssys anodho ty a shakyas dha benn!

Yeremia 48:27 ပူးပေါင်းရင်းမြစ်များ

Job 16:4

My ynwedh a allsa kewsel kepar dell wrewgh, mar pewgh y'm tyller vy. My a allsa junya geryow war-barth er agas pynn, ha shakya ow fenn orthowgh.

Salmow 44:13

Ty a wra dhyn bos mewl dh'agan kentrevogyon, skorn ha ges dhe'n re usi yn agan kyrghynn.

Salmow 64:8

Ytho ev a's diswra drefenn aga thavosow aga honan; seul a's gwel a shak an penn.

Salmow 79:4

Ni re dheuth ha bos mewl dh'agan kentrevogyon, skorn ha ges dhe'n re usi yn agan kyrghynn.

Yeremia 18:16

ow kul aga thir tra euthyk, ha ges bys vykken. Pubonan neb a dremen a vydh skruthys, hag a shak y benn.

Yeremia 2:26

Dell vydh meth dhe'n ladher pan vydh kevys, yndellma y fydh meth dhe ji Ysrael: i, aga ruwyon, aga fennsevigyon, ha'ga oferysi, ha'ga frofoesi;

Kynvannow 1:12

A ny vern travyth, oll hwi a dremen? Mirewgh, ha gweles mars eus ahwer kepar ha'm ahwer vy, a veu gorrys warnav, ma'm grevyas an Arloedh ganso yn dydh y sorr fers.

Kynvannow 1:7

Yerusalem a berth kov, yn dydhyow hy anken ha'y diannetter, a'y fythow desirys oll a's tevo y'n dydhyow koth. Pan goedhas hy fobel yn dorn an eskar, heb denvyth a's gweressa, an eskerens a's gwelas, ha gul ges a'y therroes.

Ezekiel 25:8

Yndellma y lever an Arloedh Duw: Drefenn Moab ha Seir dhe leverel, Otta, chi Yuda yw avel oll an kenedhlow erell,

Ezekiel 35:15

Kepar dell lowenhasys erbynn eretons chi Ysrael, drefenn y vos ynyalder, yndella my a wra dha dhyghtya; ty a vydh ynyalder, menydh Seir, hag Edom kowal. Ena i a woer my dhe vos an Arloedh.

Ezekiel 36:2

Yndellma y lever an Arloedh Duw: Drefenn an eskar dhe leverel er dha bynn, ‘Aha! An breow bythkwethek re beu dhyn avel eretons’,

Ezekiel 36:4

rakhenna, menydhyow Ysrael, klewewgh ger an Arloedh Duw: Yndellma y lever an Arloedh Duw dhe'n menydhyow, dhe'n brennow, dhe'n goverow, dhe'n nansow, dhe'n magoryow ynyal, ha dhe'n sitys diannedh, a dheuth ha bos rag preydh ha rag ges dhe remenant an kenedhlow usi oll a-dro;

Sefania 2:10

Hemma a's tevydh drefenn aga goeth, drefenn i dhe skornya hag omvoghhe erbynn pobel Arloedh an luyow.

Sefania 2:8

My re glewas skorn Moab ha despit an Ammonysi may skornsons ow fobel, ha gul godrosow bras erbynn aga or.

Matthew 26:55

Y'n eur na Yesu a leveris dhe'n routhow, ‘A dheuthewgh hwi yn-mes gans kledhedhyow ha fustow dhe'm dalghenna kepar dell ve erbynn lader? Yth en esedhys y'n tempel pub dydh ow tyski ha ny wrussowgh ow dalghenna.

Matthew 27:38

Ena y feu krowsys ganso dew lader, an eyl a'y barth dhyghow, ha'y gila a'y barth kledh.

Matthew 7:2

rag gans an vreus may hwrewgh hwi breusi dredhi, hwi a vydh breusys, ha gans an musur may fusurowgh hwi ganso, y fydh musurys dhy'hwi.