Yeremia 48:13 - An Bibel Kernewek 20234 (Kernewek Kemmyn)

¹³ Ha Moab a'n jevydh meth a Kemosh, dell borthas chi Ysrael meth a Bethel, may trestsons ynno.

Yeremia 48:13 ပူးပေါင်းရင်းမြစ်များ

1 Myghternedh 11:33

Hemm yw drefenn ev dhe'm eskasa ha gordhya Ashtoreth duwes an Sidonysi, Kemosh duw Moab, ha Milkom duw an Ammonysi, ha ny gerdhas yn ow fordhow, ow kul an pyth yw ewn yn ow golok ha gwitha ow ordenansow ha'm breusow, dell wrug y das Davydh.

1 Myghternedh 11:7

Ena Solomon a dhrehevis tyller ughel rag Kemosh pyth kasadow an Ammonysi, war an menydh a'n duryen dhe Yerusalem.

1 Myghternedh 18:40

Elias a leveris dhedha, ‘Dalghennewgh profoesi Baal; na esewgh nagonan anedha dhe dhiank.’ Ena i a's dalghennas; hag Elias a's dros dhe nans Kishon, ha'ga ladha ena.

2 Kroniklys 25:15

An Arloedh a sorras orth Amasia, hag a dhannvonas dhodho profoes, a leveris dhodho, ‘Prag re hwilsys duwow an bobel ma, na yllens delivra aga fobel aga honan a'th leuv jy?’

Ysay 16:12

Pan omdhiskwedh Moab, hag omskwitha war an tyller ughel, pan dheu dh'y sentri dhe bysi, ny amont mann.

Ysay 2:20

Y'n jydh na den a dewl y idolys a arghans ha'y idolys a owr, an pyth a wrug pubonan dhodho y honan dhe wordhya, dhe'n godhow ha dhe'n ughsommyses,

Ysay 45:16

I oll a's teves meth hag a vydh konfondys, gwrioryon imajys a yn deray war-barth.

Ysay 45:20

Omguntellewgh ha dewgh, dewgh nes war-barth, hwi fowesigyon a'n kenedhlow! Ny's teves godhvos vyth, an re a dheg aga imajys a brenn, hag i a bys dhe dhuw na'n jeves selwel.

Yeremia 48:12

Rakhenna, otta, an dydhyow a dheu, yn-medh an Arloedh, pan dhannvonav dhodho rennysi-gwin dh'y dreuslestra, hag i a wakha y lestri, ha terri y sethow yn darnow.

Yeremia 48:39

Ass yw hi terrys! Ass wrons kyni! Ass wrug Moab treylya hy heyn yn meth! Ytho Moab yw devedhys ha bos ges hag euth dhe beub yn y gyrghynn.

Yeremia 48:46

Go-jy, Moab! Pobel Kemosh res eth dhe goll, rag agas mebyon yw kemmerys yn keth, ha'th vyrghes yn kethneth.

Yeremia 48:7

Rag drefenn ty dhe fydhya yn dha dhinasow hag y'th tresoryow, ty ynwedh a vydh kemmerys; Kemosh a yn divroedh, war-barth gans y oferysi ha'y bennsevigyon.

Breusysi 11:24

A ny dhelledh dhis kavoes an pyth a re dha dhuw Kemosh dhis dh'y gavoes? Hag a ny dhelledh dhyn kavoes oll an pyth a re an Arloedh agan Duw dhyn ni?