Yeremia 48:12 - An Bibel Kernewek 20234 (Kernewek Kemmyn)

¹² Rakhenna, otta, an dydhyow a dheu, yn-medh an Arloedh, pan dhannvonav dhodho rennysi-gwin dh'y dreuslestra, hag i a wakha y lestri, ha terri y sethow yn darnow.

Yeremia 48:12 ပူးပေါင်းရင်းမြစ်များ

Salmow 2:9

Ty a's terr gans gwelenn horn; ty a's brew dhe demmyn avel lester gweythor pri.’

Ysay 16:2

Avel edhen ow trenija, tewlys dhiworth an neyth yth yw myrghes Moab orth rysyow Arnon.

Ysay 30:14

Hy thorrva a vydh avel torrva lester priweythor, brewys heb pita, rag na vo kevys yn y vrewyon darn dhe gemmeres tan dhiwar oeles po dhe dhri dowr yn-bann dhiworth dowrargh.

Yeremia 14:3

Aga ugheloryon re dhannvonas aga gwesyon rag dowr: i a dheuth dhe'n dowrarghow, ny gavons dowr; i a dhehwelis gwag aga lestri; methek ens ha konfondys, hag a gudhas aga fenn.

Yeremia 19:10

Ena ty a derr an kostrel yn golok an wer hag a genes,

Yeremia 25:34

Oulyewgh, hwi vugeledh, ha kria; omrolyewgh yn lusu, hwi arlydhi an flokk; rag dydhyow agas ladhva ha'gas keskar yw devedhys, ha hwi a goedh avel lester teg.

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Yeremia 48:11

Moab re beu attes a'y yowynkneth, sedhys avel gwin war y wodhes; ny veu gwakhes a lester dhe lester, na nyns eth yn divroedh; ytho y vlas re wortas ynno, ha nyns yw y sawer chanjys.

Yeremia 48:13

Ha Moab a'n jevydh meth a Kemosh, dell borthas chi Ysrael meth a Bethel, may trestsons ynno.

Yeremia 48:15

Distruer Moab ha'y sitys re dheuth yn-bann, ha'y wer yowynk dhewisys res eth yn-nans dhe'n ladhva, yn-medh an Myghtern, Arloedh an luyow yw y hanow.

Yeremia 48:38

War do pub chi yn Moab, hag yn hy stretow nyns eus marnas kynvann; rag my re dorras Moab avel lester nag eus hwans anodho, yn-medh an Arloedh.

Yeremia 48:8

An distruer a dheu dhe bub sita, ha ny dhiank sita vyth; an nans a dhe goll, ha'n ughelgompesenn a vydh distruys, par dell gewsis an Arloedh.

Nahum 2:2

Rag an Arloedh a dhaskorr arta splannder Yakob, kepar ha splannder Ysrael; rag ravnoryon re wrug aga ravna yn tien ha shyndya aga skyll.