Yeremia 48:11 - An Bibel Kernewek 20234 (Kernewek Kemmyn)

¹¹ Moab re beu attes a'y yowynkneth, sedhys avel gwin war y wodhes; ny veu gwakhes a lester dhe lester, na nyns eth yn divroedh; ytho y vlas re wortas ynno, ha nyns yw y sawer chanjys.

Yeremia 48:11 ပူးပေါင်းရင်းမြစ်များ

Salmow 123:4

Agan enev yw lenwys yn tien a skorn an re yw attes, hag a dhespit an re woethus.

Salmow 55:19

Duw a glewvydh hag a worthyp dhedha, ev neb re reynyas war y dron bythkweth. Sela. Rag nyns eus treylvaow dhedha, ha ny berthons own a Dhuw.

Lavarow Koth 1:32

Rag an re sempel yw ledhys gans aga dislelder, hag omfydhyans an fellyon a's distru;

Ysay 16:6

Ni re glewas a woeth Moab – pur woethus yw – a-dro dh'y valghder ha'y woeth ha'y donteth, mes y vostow yw fals.

Ysay 24:3

An norvys a vydh difeythys glan ha kowlrevnys, rag an Arloedh re gewsis an ger ma.

Ysay 25:6

War an menydh ma Arloedh an luyow a wra rag oll an poblow kevewi a voes rych gans oyl, kevewi a win koth, boes rych sawrys gans mer, gwin koth sidhlys.

Yeremia 22:21

My a gewsis er dha bynn y'th sewena, mes ty a leveris, ‘Ny woslowav.’ Hemma re beu dha fordh a'th yowynkneth, rag ny woslewsys orth ow lev.

Yeremia 48:12

Rakhenna, otta, an dydhyow a dheu, yn-medh an Arloedh, pan dhannvonav dhodho rennysi-gwin dh'y dreuslestra, hag i a wakha y lestri, ha terri y sethow yn darnow.

Yeremia 48:29

Ni re glewas a woeth Moab – ha pur woethus yw ev – a'y ughelder, ha'y woeth ha'y valghder, hag a'y golonn howtyn.

Yeremia 51:34

‘Nebukadnessar myghtern Babylon re'm kollonkas, ev re'm desyghas, ev a wrug dhymm bos lester gwag, ev re'm lonkas avel dragon; ev re lenwis y dorr gans ow taklow denteth, ev re'm trewas y'n mes.

Nahum 2:10

Gwakter, difeyth ha diswrians! An golonn ow teudhi, dewlin ow trebuchya, diwglun oll ow krena, ha pub fas devedhys ha bos diliw!

Nahum 2:2

Rag an Arloedh a dhaskorr arta splannder Yakob, kepar ha splannder Ysrael; rag ravnoryon re wrug aga ravna yn tien ha shyndya aga skyll.

Sefania 1:12

Hag y hwyrvydh y'n termyn na y hwithrav Yerusalem gans lugern, ha kessydhya an dus neb yw attes, kowlys avel gwin gesys war an godhes: neb a lever yn aga holonn, ‘Ny wra an Arloedh dader, na ny wra drog.’

Zekaria 1:15

mes sorr bras a'm beus orth an kenedhlow yw attes. My a sorras nebes orta, mes i a weresas an galar.