Yeremia 48:10 - An Bibel Kernewek 20234 (Kernewek Kemmyn)

¹⁰ Milliges yw ev neb yw diek ow kul ober an Arloedh, ha milliges yw ev neb a with y gledha dhiworth skoellya goes.

Yeremia 48:10 ပူးပေါင်းရင်းမြစ်များ

1 Myghternedh 20:39

Pan esa an myghtern ow tremena, ev a grias war an myghtern ha leverel, ‘Dha was eth yn-mes yn kres an vatel; ena souder a dreylyas ha dri gour dhymm, ha leverel, “Gwith an gour ma; mar tienk, dha vewnans a vydh res rag y vewnans, poken ty a be talent a arghans.”

1 Myghternedh 20:40

Rag bos dha was bysi omma hag ena, gyllys o.’ Myghtern Ysrael a leveris dhodho, ‘Yndellma y fydh dha vreus; rag ty dha honan a'n erviras.’

1 Myghternedh 20:42

Ena ev a leveris dhodho, ‘Yndellma y lever an Arloedh, “Drefenn ty dhe asa dhe dhiank an gour neb a apoyntis dhe dhistruans, ytho dha vewnans a vydh rag y vewnans, ha dha bobel rag y bobel.” ’

2 Myghternedh 13:19

Gour Duw o serrys ganso hag yn-medh, ‘Ty a dalvia gweskel pymp po hwegh gweyth; ena ty a fethsa Aram glan, mes lemmyn ny weskydh Aram marnas teyrgweyth.’

Yeremia 11:3

Lavar dhedha: Yndellma y lever an Arloedh, Duw Ysrael; Milliges re bo an gour nag yw gostydh dhe eryow an kevambos ma,

Yeremia 47:6

A, kledha an Arloedh, pes termyn y fydh bys pan vi kosel? Dehwel y'th woen, powes ha bydh kosel.

Yeremia 47:7

Fatell yll bos kosel pan ros an Arloedh gorhemmynn? Erbynn Ashkelon hag erbynn an morrep – ena ev re'n erviras.

Yeremia 50:25

An Arloedh re igoras y arvji, ha dri yn-mes arvow y sorr, rag hemm yw oberenn an Arloedh Duw an luyow yn tir an Kaldeanys.

Yeremia 50:27

Ledhewgh oll hy lodhnow, gesewgh i dhe vones yn-nans dhe'n ladhva. Go-i, aga dydh yw devedhys, termyn aga hessydhyans!

Yoshua 10:19

mes hwi, na wortewgh; chasyewgh war-lergh agas eskerens, hag omsettyewgh a-dhelergh dhedha. Na esewgh i dhe entra yn aga sitys, rag an Arloedh agas Duw re's ros yn agas leuv.’

Breusysi 5:23

‘Molleth Meroz, a lever el an Arloedh, molleth yn hwerow y annedhysi, rag na dheuthons dhe weres an Arloedh, dhe weres an Arloedh erbynn an re alloesek.

1 Samuel 15:3

Lemmyn, ke ha gwask Amalek, ha distru glan pup-tra a's teves, ha na wra aga sparya; mes ladh gour ha benyn, flogh ha fleghik, ojyon ha davas, kowrvargh hag asen.” ’

1 Samuel 15:9

Mes Sowl ha'n bobel a sparyas Agag, ha'n gwella a'n deves hag a'n oghen hag a'n enyvales peskys, ha'n eyn, ha pup-tra a veu da, ha ny vynnens aga distrui glan; mes pup-tra dispresys ha koeg i a dhistruis glan.