Yeremia 47:6 - An Bibel Kernewek 20234 (Kernewek Kemmyn)

⁶ A, kledha an Arloedh, pes termyn y fydh bys pan vi kosel? Dehwel y'th woen, powes ha bydh kosel.

Yeremia 47:6 ပူးပေါင်းရင်းမြစ်များ

2 Samuel 2:26

Ena Abner a armas dhe Yoab ha leverel, ‘A wra an kledha devorya bys vykken? A ny wodhes y fydh an diwedh hwerow? Pes termyn y fydh kyns ty dhe leverel dhe'n bobel may treyllyons dhiworth helghya aga breder?’

1 Kroniklys 21:27

An Arloedh a gewsis dhe'n el, hag ev a worras y gledha arta yn y woen.

Salmow 17:13

Sav, A Arloedh, deus er y bynn, doro e dhe'n dor! Delirv ow enev dhiworth an tebelwas, dre dha gledha;

Ysay 10:15

A wra an voel bostya erbynn an den a dregh ganso? A wra an heskenn braggya erbynn an den a heskenn gensi? Kepar ha pan wrello gwelenn shakya an den a wra y handla, po lath drehevel neppyth nag yw prenn!

Ysay 10:5

Ogh, Assyria, gwelenn ow sorr! an fust yn aga leuv yw ow honnar.

Yeremia 12:12

An dhistruoryon yw devedhys war oll an ugheldiryow moel y'n gwylvos: rag kledha an Arloedh a wra devorya dhiworth an eyl tu a'n tir bys yn y gila: kig vyth ny'n jevydh kres.

Yeremia 12:4

Pes termyn y hwra an tir dhesygha, ha'n gwels a bub mes gwedhra, rag drogedh an re usi trigys ynno? An bestes yw distruys, ha'n ydhyn; drefenn tus dhe leverel, ‘Ny wel ev agan diwedh ni.’

Yeremia 15:3

Ha my a wra ordena warnedha peswar eghenn a derroes, yn-medh an Arloedh: an kledha dhe ladha, ha'n keun dhe skwardya, hag ydhyn an nev, ha bestes an nor, dhe dhevorya ha dhe dhistrui.

Yeremia 25:27

Ena ty a lever dhedha, Yndellma y lever Arloedh an luyow, Duw Ysrael: Evewgh, bedhewgh medhow ha hwyja, ha koedhewgh ha na sevewgh namoy, drefenn an kledha a dhannvonav dhywgh.

Yeremia 4:21

Pes termyn y hwelav an baner, ha klewes son an hirgorn?

Yeremia 48:10

Milliges yw ev neb yw diek ow kul ober an Arloedh, ha milliges yw ev neb a with y gledha dhiworth skoellya goes.

Yeremia 50:35

Kledha erbynn an Kaldeanys, yn-medh an Arloedh, hag erbynn annedhysi Babylon, hag erbynn hy fennsevigyon ha'y gwer dhoeth!

Ezekiel 14:17

Po mar trov kledha war an pow na ha leverel, ‘Tremenes kledha der an pow’, ha my a dregh dhiworto den ha best,

Ezekiel 21:30

Gorr e dh'y woen! Y'n tyller may feus formys, yn tir dha dhalleth y'th vreusav.

Zekaria 13:7

‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Yowann 18:11

Ena yn-medh Yesu dhe Peder, ‘Gorr an kledha y'n woen. An hanaf a ros dhymm an Tas, a ny wrav vy y eva?’

Breusysi 7:20

Yndella an tri fara a hwythas an hirgern, ha terri an sethow, ow synsi yn aga leuv gledh an faglennow, hag yn aga leuv dhyghow an hirgern rag hwytha, hag i a grias, ‘Kledha a-barth an Arloedh hag a-barth Gideon!’