Yeremia 47:4 - An Bibel Kernewek 20234 (Kernewek Kemmyn)

⁴ Rag an jydh re dheuth dhe dhistrui oll an Filistysi, dhe dreghi a-dhiworth Tyr ha Sidon pub gwereser yw gesys. Rag an Arloedh a dhistru an Filistysi, remenant arvordir Kaftor.

Yeremia 47:4 ပူးပေါင်းရင်းမြစ်များ

Jenesis 10:15

Kanan a dhineythis Sidon y gynsa-genys, ha Heth,

1 Kroniklys 1:12

Pathrusim, Kasluhim (may teuth an Filistysi anedha) ha Kaftorim.

Job 9:13

‘Ny wra Duw kildenna y sorr; yn-danno yth ombleg gweresoryon Rahab.

Salmow 37:13

An Arloedh a hwerth orto, rag ev a wel y dhydh ow tos.

Ysay 10:3

Pandr'a wrewgh yn dydh kessydhyans, hag y'n annawel a dheu a bellder? Piw y poenyowgh dhodho rag gweres, ha ple hwrewgh gasa agas golewder,

Ysay 14:31

Oul a yet, kri a sita; teudh yn own, Filistia, ty oll. Mog a dheu dhiworth an gogledh, ha nyns eus termynek yn y renkow.

Ysay 20:6

Annedhyas an arvor ma a lever y'n jydh na, “Otta hemm yw agan govenek may fisyn dhodho rag gweres, dh'agan delivra dhiworth myghtern Assyria! Ytho fatell yllyn ni skapya?” ’

Ysay 31:8

‘Assyria a goedh der an kledha a-der dre wour, ha kledha, nag yw a vab-den, a's devor. I a fi dhe'n fo rag an kledha ha'ga gwer yowynk a vydh gorrys dhe hwel krev.

Yeremia 46:10

Rag hemm yw dydh an Arloedh, Duw an luyow, dydh a dhial, dhe dyli dial war y eskerens. An kledha a dhevor hag a vydh gwalghys, ha medhwys gans aga goes. Rag an Arloedh, Duw an luyow, a'n jeves sakrifis yn tir an gogledh ryb an avon Ewfrates.

Ezekiel 21:25

Ha ty pennsevik Ysrael, tebelwas ansans, may teuth y dhydh, termyn y gessydhyans finek,

Ezekiel 21:29

Dha welesigethow yw fals ha 'th tewinieth yw gowek dh'y settya war gonnaow an debeles ansans; aga dydh re dheuth, termyn an kessydhyans diwettha.

Ezekiel 25:16

rakhenna yndellma y lever an Arloedh Duw, Awottavy owth ystynn ow leuv erbynn an Filistysi, hag ow treghi an Kerethysi, hag ow tistrui remenant an arvor.

Ezekiel 30:8

Ena i a woer my dhe vos an Arloedh, pan worrav tan yn Ejyp, hag oll hy gweresoryon a vydh terrys.

Ezekiel 7:12

An termyn re dheuth, devedhys yw an jydh. Na lowenhes an prener, ha na wres an gwerther kyni, rag yma sorr war oll an routh anedha.

Hosea 9:7

Dydhyow an kessydhyans re dheuth, dydhyow an dial re dheuth. Ysrael a'n godhvydh. An profoes yw boba, an gour spyrysel yw muskok, drefenn dha lies kammhynseth, ha'n kas meur.

Amos 9:7

A nyns owgh hwi kepar ha mebyon an Ethiopysi dhymm, A vebyon Ysrael? yn-medh an Arloedh. A ny dhres vy Ysrael yn-mes a bow Ejyp, ha'n Filistysi yn-mes a Kaftor, hag Aram yn-mes a Kir?

Luk 21:22

rag hemm yw dydhyow a gessydhyans, pan vydh kowlwrys pup-tra a veu skrifys.

Dewteronomi 2:23

Ha'n Avvim, trigys yn godrevow bys yn Gaza, an Kaftorim, neb a dheuth dhiworth Kaftor, a's distruis ha triga yn aga le.)

Yoshua 22:30

Pan glewas Finehas an oferyas ha ledyoryon an kuntelles, ha pennow kordhow Ysrael esa ganso, an geryow a gewsis an Rewbenysi ha'n Gadysi ha mebyon Manasse, yth o da yn aga golok.