Yeremia 47:3 - An Bibel Kernewek 20234 (Kernewek Kemmyn)

³ Orth tros stankya karnow y vergh krev, orth klattrans y jarettow, orth grommyans aga rosow, ny dreyl an tasow dhe sawya aga fleghes, mar wann yw aga diwleuv,

Yeremia 47:3 ပူးပေါင်းရင်းမြစ်များ

Ysay 5:28

Y sethow yw lymmys hag oll y waregow yw plegys; karnow y vergh yw reknys avel kellester, ha'y rosow avel an korwyns.

Yeremia 46:9

Yn-rag, hwi vergh, ha fyski yn fuskok, hwi jarettow! Gas an vreselyoryon dhe vos yn-rag: gwer Ethiopia ha Put hag a dheg an skoes, gwer Lud hag a denn an warak.

Yeremia 50:42

I a syns an warak ha'n guw, i yw fell ha ny dhiskwedhons truedh. Aga lev a romm avel an mor; i a varghogeth war vergh, settys yn aray avel gour rag batel, er dha bynn, A vyrgh Babylon!

Yeremia 8:16

Ronkow aga mergh a veu klewys a-dhiworth Dan: orth son kryghias aga mergh krev an tir kowal a grenas; i re dheuth ha gwastya an tir, ha pup-tra eus ynno: an sita ha'n re usi trigys ynni.

Ezekiel 23:24

I a dheu er dha bynn dhiworth an gogledh gans charettow ha kertys, ha gans ost a boblow; i a omsett a-dro dhis gans skoes ha bokler ha basnett. My a re dhedha an gwir dhe vreusi, hag i a'th vreus war-lergh aga laghys aga honan.

Nahum 2:4

Resek gwyls a wrons an charettow y'n stretys, ow fyski a-derdro y'n plenys: aga semlans yw kepar ha faglennow, poenya a wrons pub tu avel lughesennow.

Nahum 2:8

Mes Nineve – yma hy dowrow kepar ha poll dowr: i a fi dhe-ves; ‘Sevewgh, sevewgh’, a grions, mes ny dreyl denvyth.

Diskwedhyans 9:9

Ha lurigow esa dhedha kepar ha lurigow a horn, ha son aga eskelli o kepar ha son lies charett gans mergh ow resek dhe gas.

Breusysi 5:22

‘Ytho yn ughel y hweskis karnow an vergh gans an peswarlemmel, peswarlemmel an stedys krev.