Yeremia 46:7 - An Bibel Kernewek 20234 (Kernewek Kemmyn)

⁷ Piw yw hemma, usi ow sevel avel an Nil, avel avonyow gans aga dowrow yn hwythfians?

Yeremia 46:7 ပူးပေါင်းရင်းမြစ်များ

An Gan a Ganow 3:6

Piw yw hemma usi ow tos yn-bann a'n gwylvos, kepar ha kolovenyow a vog, yn mysk ethennow a vyrr ha frankynkys, a bub polter sawrek a'n marchont?

An Gan a Ganow 8:5

Piw yw hemma, ow tos yn-bann dhiworth an gwylvos, ow poesa war hy haradow? Yn-dann an avalenn my a'th wrug dhe dhifuna; ena dha vamm a'th tineythis, ena yth esa hi yn lavur neb a'th omdhuk.

Ysay 63:1

‘Piw yw hemma ow tos dhiworth Edom, yn dillas rudhgogh dhiworth Bosra? Piw yw hemma gwiskys yn splannder, ow kerdhes yn-rag yn y alloes bras?’ ‘My y'th yw, ow kewsel yn ewnder, galloesek dhe sawya.’

Yeremia 47:2

Yndellma y lever an Arloedh: Otta, dowrow a dardh a'n gogledh hag a vydh keynres fennys; i a fenn an tir ha pup-tra eus ynno, an sita ha'n re trigys ynni. Pobel a skrij, hag oll annedhysi oll an tir a gyn.

Ezekiel 32:2

Mab den, kemmer kynvann yn-bann rag Faro myghtern Ejyp, ha lavar dhodho, Ty yw avel lew yowynk yn mysk an kenedhlow, ha ty yw avel euthvil y'n moryow, ow lemmel a-dro y'th avonyow, ow tervyska an dowrow gans dha dreys, hag ow stronka aga avonyow.

Daniel 11:10

‘Y vebyon a ombareus rag kas ha kuntell routh a luyow meur, neb a wra entra, fenna ha treusi, ha gwerrya bys yn y ger.

Daniel 11:22

Luyow a vydh skubys dhe-ves a-ragdho gans liv, hag a vydh terrys, ha hembrenkyas an kevambos keffrys.

Daniel 9:26

Ha wosa an dhiw seythun ha tri-ugens, an den untys a vydh treghys dhe-ves, ha ny'n jevydh travyth; ha pobel an pryns usi ow tos a wra distrui an sita ha'n sentri. Hy diwedh a dheu dre liv, ha bys y'n diwedh y fydh bresel, ha terroes yw ordenys.

Amos 8:8

A ny gren an tir rakhemma ha myns eus trigys ynno kyni? Oll an tir a sev kepar ha'n Nil, ha frosa ha koedha arta kepar ha'n Nil yn Ejyp.

Diskwedhyans 12:15

Ha'n sarf a dewlis dowr yn-mes a'y anow kepar hag avon war-lergh an venyn may hwrella dhedhi bos degys dhe-ves gans an avon.