Yeremia 46:5 - An Bibel Kernewek 20234 (Kernewek Kemmyn)

⁵ Prag y's gwelis dyegrys ha treylys war-dhelergh? Aga breselyoryon yw gweskys, ha re fias yn fisten, heb mires war-dhelergh; yma euth a bub tu, yn-medh an Arloedh.

Yeremia 46:5 ပူးပေါင်းရင်းမြစ်များ

Yeremia 49:29

I a gemmer aga thyldow ha'ga flokkys, aga kroglennow hag oll aga gwara; i a gemmer aga hawrvergh dh'aga honan, hag i a gri dhedha: ‘Yma euth a bub tu!’

Yeremia 6:25

Na ge yn-mes dhe'n gwel; na kerdhes war an fordh; rag yma kledha dhe'n eskar, hag euth a bub tu.’

Yeremia 46:21

Ynwedh hy gwer arvethys yn hy kres yw avel leughi peskys; rag i ynwedh re dreylyas ha fia war-barth, ny sevsons; rag dydh aga therroes re dheuth warnedha, ha termyn aga hessydhyans.

Nahum 2:8

Mes Nineve – yma hy dowrow kepar ha poll dowr: i a fi dhe-ves; ‘Sevewgh, sevewgh’, a grions, mes ny dreyl denvyth.

Ezekiel 32:10

My a wra dhe lies pobel bos sowdhenys orthis, ha'ga myghternedh a vydh dyegrys orthis, pan swaysyav ow kledha a-ragdha; ha pub den a gren rag y vewnans pup-prys y'n jydh dha derroes.

Yeremia 46:15

Prag yth yw Apis prosternys? Prag na wrug dha darow sevel fast? – drefenn an Arloedh dh'y herdhya dhe-ves.

Yeremia 20:10

Rag my a glewas kabel lies huni: ‘Euth a bub tu! Kuhudh e, gwren y guhudha.’ Yth esa oll ow neskerens ow kwaytya my dhe drebuchya, ow leverel, ‘Martesen ev a vydh dynys, ha ni a wra y fetha, ha tyli agan dial warnodho.’

Ysay 19:16

Y'n jydh na Ejyp a vydh avel benynes. I a gren rag own, a-rag leuv Arloedh an luyow, a wra ev hy shakya er aga fynn.

Jenesis 19:17

Ha pan wrussens aga dri yn-mes, yn-medhons, ‘Fi rag dha vewnans. Na wra mires a-dryv dhis, na gortos le vyth y'n plen a-dro; fi dhe'n menydh ma na vi diswrys.’

Ysay 5:25

Rakhenna sorr an Arloedh a dhew erbynn y bobel, hag ev a ystynn y leuv er hy fynn ha'y gweskel. An menydhyow a gren, ha'ga horfow yw avel atal yn kres an stretys. Yn despit dhe oll hemma, ny dreyl y sorr dhe-ves, ha'y leuv yw hwath ystynnys.

Ysay 13:8

I a vydh dyegrys, gloesow ha keudh a's kemmer, i a vydh yn angoes kepar ha benyn ow tineythi. I a vir gans marth an eyl orth y gila, aga fasow a vydh avel flammow.

Ysay 42:17

An re a drest yn imajys gravys a vydh treylys war-dhelergh hag a berth meth – an re a lever dhe imajys teudh, ‘Hwi yw agan duwow.’

Yeremia 49:5

Otta, my a dhre euth warnas, yn-medh an Arloedh, Duw an luyow, a-dhiworth oll dha gentrevogyon; ha hwi a vydh skattrys, sket, heb denvyth dhe guntell an fowesigyon.

Ezekiel 39:18

Hwi a dheber kig gwer alloesek, hag eva goes pennsevigyon an nor, hordhes, eyn, gever, terewi, i oll bestes peskys a Bashan.

Nahum 2:9

Pyllewgh hwi an arghans, pyllewgh an owr; heb fin yw an tresor, palster a bup-tra desiradow.

Sefania 1:14

Ogas yw dydh meur an Arloedh, ogas, hag ow tos pur uskis, lev dydh an Arloedh yw hwerow: ena an kasor a skrij.