Yeremia 46:25 - An Bibel Kernewek 20234 (Kernewek Kemmyn)

²⁵ Arloedh an luyow, Duw Ysrael, a leveris: Otta, my a dhre kessydhyans war Amon a Thebes, ha Faro, hag Ejyp, ha'ga duwow ha'ga myghternedh, war Faro ha'n re a fydh ynno.

Yeremia 46:25 ပူးပေါင်းရင်းမြစ်များ

Eksodus 12:12

Rag my a wra tremena dres pow Ejyp an nos na, ha my a wra gweskel pub kynsa-genys yn pow Ejyp, ha den ha best; ha war dhuwow Ejyp my a wra breus: my yw an Arloedh.

Ysay 19:1

Profoesans a-dro dhe Ejyp. Awotta'n Arloedh ow marghogeth war gommolenn skav hag ow tos bys yn Ejyp; idolys Ejyp a gren a-ragdho, ha kolonn Ejyp a deudh a-bervedh ynno.

Yeremia 44:30

Yndellma y lever an Arloedh, Otta, my a re Faro Hofra, myghtern Ejyp, yn leuv y eskerens, hag yn leuv an re a hwila y vewnans, par dell res Sedekia myghtern Yuda yn leuv Nebukadnessar myghtern Babylon, y eskar a hwilas y vewnans.’

Yeremia 49:3

Oul, A Heshbon, rag Ay yw gwastys! Kriewgh, A vyrghes Rabba, Omwrogysewgh gans yskar, galarewgh, ha poenyewgh omma hag ena ryb an keow. Rag Milkom a yn divroedh, war-barth gans y oferysi ha'y bennsevigyon.

Ezekiel 30:22

Rakhenna yndellma y lever an Arloedh Duw: Awottavy erbynn Faro, myghtern Ejyp. My a derr y breghow krev, an bregh krev ha'n bregh terrys, ha gul dhe'n kledha koedha dhiworth y leuv.

Sefania 2:11

Euthyk vydh an Arloedh dhedha: rag ev a danowha oll duwow an norvys ha tus a'n gordh, peub dhiworth y le, oll ynysow an kenedhlow.