Yeremia 46:21 - An Bibel Kernewek 20234 (Kernewek Kemmyn)

²¹ Ynwedh hy gwer arvethys yn hy kres yw avel leughi peskys; rag i ynwedh re dreylyas ha fia war-barth, ny sevsons; rag dydh aga therroes re dheuth warnedha, ha termyn aga hessydhyans.

Yeremia 46:21 ပူးပေါင်းရင်းမြစ်များ

2 Samuel 10:6

Pan welas an Ammonysi i dhe vos kasadow dherag Davydh, an Ammonysi a dhannvonas hag arveth Aramysi Beth-rehob hag Aramysi Soba, ugens mil droesek, ha dhiworth myghtern Maaka mil wour, ha dhiworth governour Tob, dewdhek mil wour.

2 Myghternedh 7:6

Rag an Arloedh re wrussa dhe lu Aram klewes son charettow, son mergh, ha son lu bras, may lavarsons an eyl dh'y gila, ‘Otta, myghtern Ysrael re wobrenas er agan pynn myghternedh an Hittysi, ha myghternedh Ejyp dhe vatalyas orthyn.’

Salmow 37:13

An Arloedh a hwerth orto, rag ev a wel y dhydh ow tos.

Lavarow Koth 15:17

Gwell yw sand a erbys may ma kerensa ages ojyon peskys ha kas ganso.

Ysay 10:3

Pandr'a wrewgh yn dydh kessydhyans, hag y'n annawel a dheu a bellder? Piw y poenyowgh dhodho rag gweres, ha ple hwrewgh gasa agas golewder,

Ysay 34:7

Bualyon a goedh gansa, ha lodhnow gans terewi. Aga thir a yv goes lowr, ha'ga doust a vydh gwlyghys a vlonek.

Yeremia 18:17

Avel gwyns an duryen my a's tewl a-les a-rag an eskar; my a dhiskwedh dhedha ow heyn, yn le ow fas, yn dydh aga therroes.

Yeremia 46:22

Ejyp a wra son kepar ha sarf ow slynkya dhe-ves; rag hy eskar a geskerdh gans lu, ha dos er hy fynn gans boelyow, avel an re a dregh gwydh.

Yeremia 46:5

Prag y's gwelis dyegrys ha treylys war-dhelergh? Aga breselyoryon yw gweskys, ha re fias yn fisten, heb mires war-dhelergh; yma euth a bub tu, yn-medh an Arloedh.

Yeremia 46:9

Yn-rag, hwi vergh, ha fyski yn fuskok, hwi jarettow! Gas an vreselyoryon dhe vos yn-rag: gwer Ethiopia ha Put hag a dheg an skoes, gwer Lud hag a denn an warak.

Yeremia 48:44

Seul a fi a'n browagh a goedh y'n pytt, ha seul a glamber yn-mes a'n pytt a vydh kechys y'n vaglenn. Rag my a dhre an traow ma war Moab yn blydhen aga hessydhyans, yn-medh an Arloedh.

Yeremia 49:8

Fiewgh, treylyewgh agas keyn, trigewgh isel, annedhysi Dedan! Rag my a dhre terroes Esaw warnodho, pan y'n kessydhyav.

Yeremia 50:11

Drefenn hwi dhe lowenhe, drefenn hwi dhe vos fest heudhik, hwi dhistruoryon ow ertach, kyn terlemmowgh avel denewes y'n aswels, ha kryghias avel mergh krev,

Yeremia 50:27

Ledhewgh oll hy lodhnow, gesewgh i dhe vones yn-nans dhe'n ladhva. Go-i, aga dydh yw devedhys, termyn aga hessydhyans!

Ezekiel 30:22

Rakhenna yndellma y lever an Arloedh Duw: Awottavy erbynn Faro, myghtern Ejyp. My a derr y breghow krev, an bregh krev ha'n bregh terrys, ha gul dhe'n kledha koedha dhiworth y leuv.

Ezekiel 35:5

Drefenn bos dhis eskarogeth bythkwethek, ha ty re dhelivras mebyon Ysrael dhe nerth an kledha yn termyn aga therroes, yn termyn aga hessydhyans finek,

Hosea 9:7

Dydhyow an kessydhyans re dheuth, dydhyow an dial re dheuth. Ysrael a'n godhvydh. An profoes yw boba, an gour spyrysel yw muskok, drefenn dha lies kammhynseth, ha'n kas meur.

Amos 6:4

An re usi a'ga growedh war weliow a dhans olifans hag owth omystynna yn lows war aga gweliow-dydh; ow tybri hordhes yowynk dhiworth an flokk, ha leughi yn-mes a'n stall;

Obadia 1:13

Ny dalvia, ty dhe dhos a-ji dhe yet ow fobel yn dydh aga therroes, na mires, ty ynwedh, yn heudh war y anken yn dydh y derroes, na settya dalghenn yn y bythow yn dydh y derroes.

Mika 7:4

An gwella anedha yw haval dhe spedhasenn, an moyha ewnhynsek haval dhe ge dren. Dydh dha woelyoryon ha'th kessydhyans yw devedhys: yma aga deray ow tegynsiwa.

Matthew 22:4

Arta ev a dhannvonas kethwesyon erell, ow leverel, “Derivewgh dhe'n dus a veu gelwys, Awotta, my re bareusis ow hevewi, ledhys yw ow oghen ha'm lodhnow peskys; pup-tra oll yw parys; dewgh dhe'n demmedhyans.”

Dewteronomi 32:15

Yakob a dhybris hag a veu gwalghys, Yeshurun a dheuth ha bos tew hag a botyas; ty a dheuth ha bos tew ha berrik, ha bos gorth; ev a forsakyas Duw neb a'n gwrug, ha despitya Karrek y selwyans.