Yeremia 46:14 - An Bibel Kernewek 20234 (Kernewek Kemmyn)

¹⁴ Diskleryewgh yn Ejyp, ha gwarnya yn Migdol; gwarnyewgh yn Nof hag yn Tahpanhes; leverewgh, ‘Kemmer dha savla, ha bydh parys, rag an kledha a dhevor an re a-dro dhis.’

Yeremia 46:14 ပူးပေါင်းရင်းမြစ်များ

2 Samuel 2:26

Ena Abner a armas dhe Yoab ha leverel, ‘A wra an kledha devorya bys vykken? A ny wodhes y fydh an diwedh hwerow? Pes termyn y fydh kyns ty dhe leverel dhe'n bobel may treyllyons dhiworth helghya aga breder?’

Eksodus 14:2

‘Lavar dhe vebyon Ysrael may treyllyons ha kampya a-rag Pihahiroth, yntra Migdol ha'n mor, a-rag Baal-sefon; hwi a wra kampya a-dal dhodho, ryb an mor.

Ysay 1:20

mes mar skonyowgh ha rebellya, hwi a vydh dybrys gans an kledha; rag ganow an Arloedh re gewsis.

Ysay 19:13

Pennsevigyon Soan a dheuth ha bos fellyon, pennsevigyon Nof yw toellys; pennmeyn hy loethow re ledyas Ejyp yn stray.

Ysay 31:8

‘Assyria a goedh der an kledha a-der dre wour, ha kledha, nag yw a vab-den, a's devor. I a fi dhe'n fo rag an kledha ha'ga gwer yowynk a vydh gorrys dhe hwel krev.

Ysay 34:6

Yma dhe'n Arloedh kledha; lenwys yw a woes, gwalghys yw a vlonek, a woes eyn ha gever, a vlonek diwloneth hordhes; drefenn bos sakrifis dhe'n Arloedh yn Bosra ha ladhva vras yn pow Edom.

Yeremia 12:12

An dhistruoryon yw devedhys war oll an ugheldiryow moel y'n gwylvos: rag kledha an Arloedh a wra devorya dhiworth an eyl tu a'n tir bys yn y gila: kig vyth ny'n jevydh kres.

Yeremia 2:16

Ynwedh mebyon Nof Tahpanhes re dorras kurun dha benn.

Yeremia 2:30

Yn euver my re weskis agas fleghes; ny dhegemmersons dyskybleth. Agas kledha agas honan re dhevoryas agas profoesi, avel lew ow tistrui.

Yeremia 44:1

An ger hag a dheuth dhe Yeremia rag oll an Yedhewon trigys yn pow Ejyp, yn Migdol, yn Tahpanhes, yn Nof, hag yn tir Pathros, ow leverel,

Yeremia 46:10

Rag hemm yw dydh an Arloedh, Duw an luyow, dydh a dhial, dhe dyli dial war y eskerens. An kledha a dhevor hag a vydh gwalghys, ha medhwys gans aga goes. Rag an Arloedh, Duw an luyow, a'n jeves sakrifis yn tir an gogledh ryb an avon Ewfrates.

Yeremia 46:19

Pareus ragos fardellow divroedh, ty annedhyas, myrgh Ejyp! Rag Nof a vydh gwastys hag y fydh distruys, heb annedhyas.

Yeremia 46:2

A-dro dhe Ejyp, a-dro dhe lu Faro Neko, myghtern Ejyp, esa ryb an avon Ewfrates yn Karkemish hag a veu fethys gans Nebukadnessar myghtern Babylon y'n peswora blydhen a Yehoyakim mab Yosia myghtern Yuda:

Ezekiel 21:28

Ha ti, A vab den, profoes ha lavar, Yndellma y lever an Arloedh Duw a-dro dhe vebyon Ammon hag a-dro dh'aga heredh; lavar: Kledha, kledha, tennys rag ladhva, rutys splann dhe gonsumya, dhe lughesi!

Ezekiel 30:13

Yndellma y lever an Arloedh Duw: My a dhistru idolys ha ri diwedh dhe'n imajys yn Nof. Ny vydh na fella pennsevik yn pow Ejyp; ha my a worr own yn pow Ejyp.

Hosea 9:6

Awotta, galsons drefenn kollva, Ejyp a's kuntell, Memfis a wra aga ynkleudhyas. Hwynn a erit aga thresoryow a arghans, ha spern a vydh yn aga thyldow.

Nahum 2:13

Awotta, yth esov er dha bynn, yn-medh Arloedh an luyow; ha my a lesk hy charettow y'n mog, ha'n kledha a lenk dha lewyon yowynk; ha my a worr diwedh dhe'th preydha y'n norvys, ha nevra namoy ny vydh klewys lev dha gannasow.

Dewteronomi 32:42

My a wra dhe'm sethow bos medhow gans goes, ha'm kledha a dheber kig – gans goes an re ledhys ha'n gethyon, dhiworth pennow ledyoryon an eskar.