Yeremia 46:11 - An Bibel Kernewek 20234 (Kernewek Kemmyn)

¹¹ Ke yn-bann dhe Gilead ha kemmer balsam, A wyrghes, vyrgh Ejyp! Yn euver ty a wra devnydh a'th vedhegnethow; ny'gas beus yaghheans.

Yeremia 46:11 ပူးပေါင်းရင်းမြစ်များ

Jenesis 37:25

Hag i a esedhas dhe dhybri bara, hag i a dhrehevis aga lagasow ha mires, hag awotta, karavan a Yshmaelysi ow tos dhiworth Gilead. Yth esa aga howrvergh ow toen spisys, balsam ha myrr, ow vyajya dh'aga doen yn-nans dhe Ejyp.

Jenesis 43:11

Hag yn-medh Ysrael aga thas dhedha, ‘Mars yw yndella, hemma gwrewgh: Kemmerewgh neppyth a wella askorr an tir yn agas seghyer, ha kemmerewgh ro yn-nans rag an gour, tamm balsam ha tamm mel, spisys ha myrr, pistachys hag alamandow.

Ysay 47:1

Deus yn-nans hag esedh y'n doust, A wyrghes, myrgh Babylon! Esedh war an dor heb tron, myrgh Kaldea! Rag ny'th henwir na fella tender ha bleudh.

Yeremia 14:17

Ytho ty a lever an ger ma dhedha: Diveres ow lagas dagrow yn-nans nos ha dydh, na hedhens: rag an wyrghes, myrgh ow fobel, yw gweskys gans goli meur, gans strekys pur ankensi.

Yeremia 31:21

Drehav arwoedhyow-fordh, gwra dhis postow kevarwoedh; gorr dha golonn troha'n fordh-veur, an fordh mayth ythys. Treyl arta, A wyrghes Ysrael, treyl arta dhe'n sitys ma usi dhis.

Yeremia 31:4

Arta my a'th trehav, ha ty a vydh drehevys, A wyrghes Ysrael! ty a vydh tekhes arta gans dha dabourigow, ha mos yn-rag yn dons an re lowen.

Yeremia 51:8

Distowgh Babylon yw koedhys ha brewys; kynewgh rygdhi! Kemmerewgh balsam rag hy goli; may fo martesen yaghhes.

Yeremia 8:22

A nyns eus balsam yn Gilead? a nyns eus medhek ena? Ytho prag nag eus yaghheans rag myrgh ow fobel?

Ezekiel 27:17

Yuda ha pow Ysrael o dha marchons; gwaneth a Minnith, tesenn, mel, oyl, ha balsam y rons yn keschanj rag dha wara.

Mika 1:9

Rag ny yll hy goli bos yaghhes, ha re dheuth dhe Yuda, ha drehedhes dhe yet ow fobel, bys yn Yerusalem.

Nahum 3:19

Nyns eus sawment dhe'th pystik, heb eli yw dha vrew; myns a glew dha nowodhow a dak diwla dresos; rag piw eus, ma na dremenas warnodho dha dhroktra pub eur oll?

Matthew 5:26

Yn hwir y lavarav dhis, ny wre'ta dos yn-mes alena bys may tylli an ferdhynn diwettha.