Yeremia 45:5 - An Bibel Kernewek 20234 (Kernewek Kemmyn)

⁵ Ha ty, a hwilydh traow meur dhe'th honan? Na's hwila; rag my a dhre anfeusi war oll kneus, yn-medh an Arloedh; mes my a re dhis dha vewnans avel preydh yn pub tyller mayth ylli.’

Yeremia 45:5 ပူးပေါင်းရင်းမြစ်များ

Jenesis 6:12

Ha Duw a welas an nor hag awotta, legrys ova, rag pub kig re wrussa legri y fordh war an nor.

1 Myghternedh 3:11

Ha Duw a leveris dhodho, ‘Drefenn ty dhe wovynn hemma, ha drefenn na wovynnsys dhe'th honan bewnans hir na kevoeth, na bewnans dha eskerens, mes govynn ragos dha honan konvedhes dhe venystra barn,

1 Myghternedh 3:9

Ro dhe'th was ytho kolonn a yll konvedhes rag barna dha bobel ha dissernya yntra da ha drog; rag piw a yll barna dha bobel mar veur ma?’

2 Myghternedh 5:26

Mes ev a leveris dhodho, ‘A nyns eth ow holonn genes, pan dreylyas an gour dhiworth y jarett rag metya orthis? Yw hemma an termyn rag kemmeres arghans, ha rag kemmeres dillas, hag olewbrennyer, ha gwinbrennyer, ha deves, hag oghen, ha gwesyon ha maghtethyon?

Salmow 131:1

Arloedh, nyns yw ow holonn goethus, ha nyns yw ow dewlagas ughel; ny omrov dhe daklow meur, na dhe daklow re varthys ragov.

Ysay 66:16

Rag gans tan an Arloedh a wra breus, ha gans y gledha, war oll kig; ha pals vydh an re ledhys gans an Arloedh.

Yeremia 21:9

Seul a vo trigys y'n sita ma a verow gans an kledha, ha gans an divoetter ha gans an pla: mes neb a yn-mes ha kilfia dhe'n Kaldeanys usi yn esedhva warnowgh, ev a vew hag y'n jeves y vewnans avel preydh.

Yeremia 25:15

Rag yndellma y lever an Arloedh, Duw Ysrael dhymm: Kemmer hanaf gwin an sorr ma a'm leuv, ha gwra dhe bub kenedhel, ma'th tannvonav, y eva.

Yeremia 25:16

Hag i a yv ha trebuchya, drefenn an kledha a wrav vy y dhannvon yntredha.

Yeremia 25:26

hag oll myghternedh a'n gogledh, pell hag ogas, an eyl wosa y gila, hag oll gwlaskordhow an bys, usi war enep an nor: ha myghtern Sheshak a'n yv war aga lergh.

Yeremia 25:31

Tros a dheu bys yn penn an bys, rag an Arloedh a'n jeves ken erbynn an kenedhlow; ev a enter yn vreus erbynn kig oll; hag ev a worr an debeles dhe'n kledha, yn-medh an Arloedh.

Yeremia 38:2

Yndellma y lever an Arloedh, Neb a worta y'n sita ma a verow gans an kledha, gans an divoetter ha gans an pla; mes neb a yn-mes dhe'n Kaldeanys a vew; rag ev a'n jevydh y vewnans avel preydh, hag ev a vew.

Yeremia 39:18

Rag my a'th telirv yn sur, ha ny goedhydh der an kledha, mes dha vewnans a vydh preydh dhis, drefenn ty dhe fydhya ynnov, yn-medh an Arloedh.

Sefania 3:8

Rakhenna gwrewgh ow gortos, yn-medh an Arloedh, bys y'n jydh pan savav avel dustunier: rag kuntell an kenedhlow yw ow bodh may keskorrav an gwlaskordhow rag dinewi warnedha ow sorrvann, oll ow sorr fers; rag oll an norvys a vydh devorys gans tan ow avi.

Romanyon 12:16

bedhewgh yn akord an eyl gans y gila; heb gul vri a'n taklow ughel, mes dhe'n re uvel ow plegya; na vedhewgh goethus.

Ebrowyon 13:5

Bedhes agas bewnans rydh a gerensa arghans, ha bedhewgh kontentys gans an pyth a'gas beus; rag ev re leveris, ‘Nevra ny wrav dha fyllel na dha forsakya.’