Yeremia 44:28 - An Bibel Kernewek 20234 (Kernewek Kemmyn)

²⁸ Ha'n re a dhienk a'n kledha a dhehwel yn-mes a bow Ejyp dhe bow Yuda, boghes aga niver; hag oll remenant Yuda, yw gyllys dhe driga yn pow Ejyp, a wra godhvos pyneyl yw an ger a sev, ow ger vy po aga ger i.

Yeremia 44:28 ပူးပေါင်းရင်းမြစ်များ

Salmow 33:11

Kusul an Arloedh a sev bynitha, prederow y golonn a unn henedh dhe'n nessa.

Ysay 10:19

Remenant gwydh y goes a vydh mar skant bys may hallo flogh aga nivera.

Ysay 10:22

Kyn fydh dha bobel Ysrael avel tewes an mor, unnsel remenant anedhi a dhehwel. Kollva yw erghys, ow fenna gans ewnder.

Yeremia 42:17

Oll an bobel ervirys dhe vos dhe Ejyp dhe driga ena a verow gans an kledha, gans an divoetter ha gans an pla; ny vydh nagonan anedha gesys, na ny dhiank a-dhiworth an drog a dhrov warnedha.

Yeremia 44:13

My a gessydh an re usi trigys yn pow Ejyp, dell gessydhis Yerusalem, gans an kledha, gans an divoetter ha gans an pla;

Yeremia 44:14

ny wra nagonan a remenant Yuda, yw gyllys dhe driga yn pow Ejyp, diank na skapya dhe dhehweles dhe bow Yuda dhe driga ena; kyn hwansons dehweles dhe driga ena, ny dhehwelons, marnas nebes fowesigyon.

Yeremia 44:29

Hemma a vydh an tokyn dhywgh, yn-medh an Arloedh, my dh'agas kessydhya y'n tyller ma, rag may hwodhvowgh y fydh ow geryow er agas pynn kompoesys yn sur:

Yeremia 51:50

Hwi re dhienkas dhiworth an kledha, kewgh, na daryewgh! Perthewgh kov a'n Arloedh a-bell, ha gesewgh Yerusalem dhe dhos yn agas brys.

Ezekiel 6:8

Mes my a as remenant; re ahanowgh a skap an kledha yn mysk an kenedhlow, pan vydhowgh skattrys y'n gwlaskordhow.

Zekaria 1:6

Yn hwir, ow geryow ha'm ordenansow, a erghis dhe'm gwesyon an brofoesi, a ny dhrehedhsons dh'agas tasow? Ena i a gavas edrek ha leverel, ‘Par dell vynnas Arloedh an luyow gul dhyn rag agan fordhow ha'gan oberow, yndella y hwrug ev dhyn.’

Niverow 14:41

Mes Moyses a leveris, ‘Prag yth esowgh ow kammdremena erbynn arghadow an Arloedh? rag ny wra henna seweni.

Matthew 24:35

Nev ha nor a dremen dhe-ves, mes ow geryow vy, ny dremenons dhe-ves.