Yeremia 44:2 - An Bibel Kernewek 20234 (Kernewek Kemmyn)

² Yndellma y lever Arloedh an luyow, Duw Ysrael: Hwi re welas oll an anfeusi a dhres war Yerusalem hag oll sitys Yuda. Hag otta, hedhyw ynyal yns, ha heb annedhyas ynna,

Yeremia 44:2 ပူးပေါင်းရင်းမြစ်များ

2 Myghternedh 21:13

My a ystynn dres Yerusalem an gordenn-vusura usys rag Samaria, ha'n plemmik usys rag chi Ahab; my a rut Yerusalem glan kepar dell rutir skudell glan, orth hy rutya glan ha'y threylya penn a-woeles.

Eksodus 19:4

Hwi re welas an pyth a wrug vy dhe'n Ejyptianys, ha fatell y's dug war eskelli eryon ha'gas dri dhymm ow honan.

Ysay 24:12

Euth yw gesys y'n sita, an yetys yw brewys yn magoryow.

Ysay 6:11

Ena my a leveris, ‘Pes termyn, A Arloedh?’ Hag ev a leveris, ‘Bys pan vydh sitys diswrys, heb annedhyas, ha chiow heb den, ha'n tir distruys ha difeyth;

Yeremia 25:11

An tir oll ma a vydh ynyal ha gwast, ha'n kenedhlow ma a serv myghtern Babylon deg blydhen ha tri-ugens.

Yeremia 34:22

Otta, my a worhemmynn, yn-medh an Arloedh, ha gul dhedha dehweles dhe'n sita ma; hag i a omladh er hy fynn, ha'y leski gans tan. Trevow Yuda my a wra ynyal heb annedhyas.

Yeremia 4:7

An lew yw devedhys yn-bann a-dhiworth y brysk, hag yma distruer an kenedhlow war y fordh: ev yw gyllys yn-rag a-dhiworth y dyller dhe wul dha dir ynyal; ha dha sitys a vydh gwastys, heb annedhyas.

Yeremia 44:22

Ny ylli an Arloedh perthi na fella agas drog wriansow, ha'n taklow kasadow a wrussowgh; yndella agas tir a dheuth ha bos ynyal ha gwast ha molleth, heb annedhyas, kepar hag y'n jydh hedhyw.

Yeremia 44:23

Yth yw drefenn hwi dhe leski offrynnow, ha drefenn hwi dhe begha erbynn an Arloedh, ha ny woslewsowgh orth lev an Arloedh na kerdhes yn y lagha ha'y ordenansow ha'y dhustuni, y hwarva an drogedh ma dhywgh, kepar hag y'n jydh hedhyw.’

Yeremia 7:34

Ena my a wra dhe hedhi a-dhiworth sitys Yuda, ha dhiworth stretow Yerusalem, lev lowender, ha lev heudhder, lev an gour pries, ha lev an venyn bries: rag an tir a vydh ynyal.

Yeremia 8:3

Mernans a vydh dewisys kyns es bewnans gans oll an re gesys a'n tebel deylu ma, neb a worta yn oll an tylleryow le ma's herdhis, yn-medh Arloedh an luyow.

Yeremia 9:11

Ha my a wra dhe Yerusalem bos kalsow meyn, ha fow owrgeun; ha my a wra dhe sitys Yuda bos ynyal, heb annedhyas.

Kynvannow 1:1

1 Ass yw an sita owth esedha digoweth hag o leun a dus! Ass yw hi gyllys kepar ha gwedhwes, hag o meur y'n kenedhlow! Neb o pennseviges y'n powyow re beu gorrys yn keth dhe hwel krev.

Kynvannow 1:16

Rag an re ma yth oelav dagrow; ow lagas a dhinwa dowr; rag pell ahanav yw neb a'm konfortyo, ow kul dhe'm enev dasvewa; ow mebyon yw forsakys, rag an eskar re dryghis.

Kynvannow 5:18

rag menydh Sion, hag yw ynyal; owrgeun a gerdh warnodho.

Daniel 9:12

Ev re gollenwis y eryow kewsys er agan pynn, hag erbynn agan breusysi neb a'gan breusis, ow tri warnan droglamm bras, rag yn-dann oll an nevow ny veu gwrys kepar dell veu gwrys yn Yerusalem.

Levitikus 26:31

Ha my a wra agas sitys magoryow ha'gas sentris dibobel, ha ny vynnav blasa agas saweryow plegadow.

Levitikus 26:43

An tir ynwedh a vydh gesys gansa, ha lowenhe yn y sabotys hag ev hwath difeythtir hebdha; hag i a wra amendys rag aga hammweyth, rag i dhe dhespisya ow breusow ha'ga spyrys dhe aborrya ow ordenansow.

Mika 3:12

Rakhenna, a-barth dhywgh hwi, Sion a vydh erys par ha gwel; Yerusalem a dheu ha bos bern a vagoryow, Arloedh ha menydh an chi a vydh drumm gwydhyel.

Zekaria 1:6

Yn hwir, ow geryow ha'm ordenansow, a erghis dhe'm gwesyon an brofoesi, a ny dhrehedhsons dh'agas tasow? Ena i a gavas edrek ha leverel, ‘Par dell vynnas Arloedh an luyow gul dhyn rag agan fordhow ha'gan oberow, yndella y hwrug ev dhyn.’

Dewteronomi 29:2

Moyses a elwis dhe oll Ysrael ha leverel dhedha: Hwi re welsowgh pup-tra a wrug an Arloedh a-wel dhywgh yn pow Ejyp dhe Faro, ha dhe oll y servysi, ha dhe oll y bow,

Yoshua 23:3

ha hwi re welas pup-tra re wrug an Arloedh agas Duw dhe oll an kenedhlow ma a-barth dhywgh; y feu an Arloedh agas Duw a omladhas ragowgh.