Yeremia 44:1 - An Bibel Kernewek 20234 (Kernewek Kemmyn)

¹ An ger hag a dheuth dhe Yeremia rag oll an Yedhewon trigys yn pow Ejyp, yn Migdol, yn Tahpanhes, yn Nof, hag yn tir Pathros, ow leverel,

Yeremia 44:1 ပူးပေါင်းရင်းမြစ်များ

Jenesis 10:14

Pathrusim, Kasluhim (may teuth Filistim anedha) ha Kaftorim.

Eksodus 14:2

‘Lavar dhe vebyon Ysrael may treyllyons ha kampya a-rag Pihahiroth, yntra Migdol ha'n mor, a-rag Baal-sefon; hwi a wra kampya a-dal dhodho, ryb an mor.

Ysay 11:11

Y'n jydh na an Arloedh a ystynn y leuv an nessa gweyth dhe dhaskavoes remenant y bobel yw gesys, dhiworth Assyria, dhiworth Ejyp, dhiworth Pathros, dhiworth Ethiopia, dhiworth Elam, dhiworth Shinar, dhiworth Hamath, ha dhiworth ynysow an mor.

Ysay 19:13

Pennsevigyon Soan a dheuth ha bos fellyon, pennsevigyon Nof yw toellys; pennmeyn hy loethow re ledyas Ejyp yn stray.

Yeremia 2:16

Ynwedh mebyon Nof Tahpanhes re dorras kurun dha benn.

Yeremia 24:8

Hag avel an drog figys na yll bos dybrys rag aga bos mar dhrog, yn-medh an Arloedh, yndella y hwrav dhe Sedekia myghtern Yuda, ha'y bennsevigyon ha remenant Yerusalem yw gesys y'n tir ma, ha'n re usi trigys yn pow Ejyp.

Yeremia 43:13

Ev a derr peulveyn Tempel an Howl, usi yn pow Ejyp; ha templow duwow Ejyp ev a lesk gans tan.

Yeremia 44:15

Ena oll an wer neb a wodhya bos aga gwragedh ow leski offrynnow dhe dhuwow erell, hag oll an gwragedh a sevi yn ogas, kuntelles meur, oll an bobel esa trigys yn Pathros yn pow Ejyp, a worthybis dhe Yeremia:

Yeremia 46:14

Diskleryewgh yn Ejyp, ha gwarnya yn Migdol; gwarnyewgh yn Nof hag yn Tahpanhes; leverewgh, ‘Kemmer dha savla, ha bydh parys, rag an kledha a dhevor an re a-dro dhis.’

Yeremia 46:19

Pareus ragos fardellow divroedh, ty annedhyas, myrgh Ejyp! Rag Nof a vydh gwastys hag y fydh distruys, heb annedhyas.

Ezekiel 29:10

rakhenna otta, yth esov er dha bynn, hag erbynn dha avonyow, ha my a wra pow Ejyp ynyal kowal ha difeyth, dhiworth Migdol dhe Syene, bys yn or Ethiopia.

Ezekiel 29:14

My a dreyl kethneth Ejyp, ha'ga dri arta dhe dir Pathros, dhe dir aga dallethvos, hag y fydhons ena ruvaneth isel.

Ezekiel 30:13

Yndellma y lever an Arloedh Duw: My a dhistru idolys ha ri diwedh dhe'n imajys yn Nof. Ny vydh na fella pennsevik yn pow Ejyp; ha my a worr own yn pow Ejyp.

Ezekiel 30:14

My a wra Pathros ynyal, ha gorra tan yn Soan ha gul breusow yn No.

Ezekiel 30:16

My a worr tan yn Ejyp, Sin a omwen yn payn; Fos No a vydh folsys, hag y fydh dhe No ahwer pub dydh.

Ezekiel 30:18

Yn Tahpanhes an jydh a dewl, pan dorrav ternwelennow Ejyp eno, ha goeth hy nerth dheu dhe dhiwedh ynni; kommolenn a's kudh, hag yth a hy vyrghes yn kethneth.

Hosea 9:6

Awotta, galsons drefenn kollva, Ejyp a's kuntell, Memfis a wra aga ynkleudhyas. Hwynn a erit aga thresoryow a arghans, ha spern a vydh yn aga thyldow.