Yeremia 43:12 - An Bibel Kernewek 20234 (Kernewek Kemmyn)

¹² Ev a dhew tan yn chiow duwow Ejyp. Ev a's lesk, ha'ga doen dhe-ves yn kethneth, hag ev a lanha pow Ejyp, par dell lanha bugel y dhillas; hag ev a omdenn alena yn kres.

Yeremia 43:12 ပူးပေါင်းရင်းမြစ်များ

Ezekiel 30:13

Yndellma y lever an Arloedh Duw: My a dhistru idolys ha ri diwedh dhe'n imajys yn Nof. Ny vydh na fella pennsevik yn pow Ejyp; ha my a worr own yn pow Ejyp.

Ysay 49:18

Drehav dha dhewlagas a-derdro ha gwel; i oll a omguntell, i a dheu dhis. Dell vewav, yn-medh an Arloedh, ty a wra aga gwiska oll avel tegenn, hag avel benyn bries ty a's kelm warnas.

Ysay 19:1

Profoesans a-dro dhe Ejyp. Awotta'n Arloedh ow marghogeth war gommolenn skav hag ow tos bys yn Ejyp; idolys Ejyp a gren a-ragdho, ha kolonn Ejyp a deudh a-bervedh ynno.

Yeremia 48:7

Rag drefenn ty dhe fydhya yn dha dhinasow hag y'th tresoryow, ty ynwedh a vydh kemmerys; Kemosh a yn divroedh, war-barth gans y oferysi ha'y bennsevigyon.

Yeremia 46:25

Arloedh an luyow, Duw Ysrael, a leveris: Otta, my a dhre kessydhyans war Amon a Thebes, ha Faro, hag Ejyp, ha'ga duwow ha'ga myghternedh, war Faro ha'n re a fydh ynno.

Salmow 104:2

ty a omwisk yn golow kepar hag yn kweth, ha ty a dhisplet an nevow avel kroglenn;

Job 40:10

‘Omdekha yn glori ha splannder; omwisk yn enor ha meuredh.

Ester 6:9

ha bedhes gorrys an dillas ha'n margh yn leuv onan a'n bennsevigyon an moyha nobyl a'n myghtern, ha re dhillassons an gour a vynn an myghtern y enora, ha'y hembronk war geyn margh dre blen an sita, ha kria a-ragdho, “Yndella y fydh gwrys dhe'n gour a vynn an myghtern y enora.” ’

2 Samuel 5:21

I a asas aga idolys ena, ha Davydh ha'y wer a's dug dhe-ves.

Eksodus 12:12

Rag my a wra tremena dres pow Ejyp an nos na, ha my a wra gweskel pub kynsa-genys yn pow Ejyp, ha den ha best; ha war dhuwow Ejyp my a wra breus: my yw an Arloedh.

Kolossianys 3:14

Ha dres oll an taklow ma, gwiskewgh kerensa, yw an golmenn a berfydhder.

Kolossianys 3:12

Ytho, avel tus dhewisys gans Duw, sans ha karadow, gwiskewgh truedh, kuvder, uvelder, klorder, perthyans,

Efesianys 6:11

Gwiskewgh leun-arvwisk Duw may hallowgh settya orth towlow an jowl,

Efesianys 4:24

ha dhe wiska an den nowydh yw gwrys war-lergh Duw yn ewnder ha sansoleth a dheu dhiworth an gwir.

Romanyon 13:12

Gyllys pell yw an nos ha devedhys nes yw an jydh. Tewlyn dhe-ves ytho oberow an tewlder ha gwiskyn arvow an golow.

Sefania 2:11

Euthyk vydh an Arloedh dhedha: rag ev a danowha oll duwow an norvys ha tus a'n gordh, peub dhiworth y le, oll ynysow an kenedhlow.

Yeremia 51:44

My a gessydh Bel yn Babylon, ha kemmeres a'y anow an pyth re lonkas. Ny wra an kenedhlow frosa dhodho na fella; ynwedh fos Babylon re goedhas.

Yeremia 50:2

Diskleryewgh yn mysk an kenedhlow ha derivewgh, sevewgh baner ha derivewgh, na'n kudhewgh, leverewgh: Babylon yw kemmerys, Bel yw gorrys dhe veth, Merodak yw dyegrys. Hy imajys yw gorrys dhe veth, hy idolyow yw digolonnek.

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Ysay 61:5

Estrenyon a sev ha bugelya agas deves, ha mebyon estren a vydh agas tiogyon ha gonedhysi agas gwinlannow.

Ysay 59:17

Ev a wiskas ewnder avel hoberjon, ha basnett a selwyans war y benn; ev a wiskas dillas dial rag gwisk, hag omvaylya yn diwysykter avel mantell.

Ysay 52:1

Difun, difun, gwisk dha nerth, A Sion! Gwisk dha dhillas teg, A Yerusalem, an sita sans; rag ny enter ynnos na fella den antrodreghys nag avlan.

Ysay 46:1

Bel a ombleg dhe'n dor, Nebo a warrgromm, yma aga imajys war vestes ha gwarthek; an taklow degys genowgh yw beghus, avel beghyow poes war enyval skwith.

Ysay 21:9

Mir, otta gour ow tos yn charett, gans para a vergh.’ Ena ev a worthybis, ‘Babylon re goedhas, re goedhas; hag oll imajys hy duwow yw brewys war an leur.’

Salmow 132:18

Y eskerens my a wisk gans meth, mes warnodho y fydh y gurun ow splanna.’

Salmow 132:16

Hy oferysi a wiskav gans selwyans, ha'y syns a arm gans lowena.

Ysay 46:2

I a warrgromm, i a ombleg war-barth. Ny yllons sawya an begh, mes i aga honan a yn kethneth.

Yeremia 43:13

Ev a derr peulveyn Tempel an Howl, usi yn pow Ejyp; ha templow duwow Ejyp ev a lesk gans tan.

Yeremia 49:27

Ha my a enow tan orth fos Damaskus, hag a gowllesk lysyow Ben-hadad.

Ezekiel 29:11

Ny dremen dresto troes den, na ny dremen dresto troes best; ny vydh annedhys dewgens blydhen.

Daniel 11:8

Ynwedh ev a dheg aga duwow yn keth dhe Ejyp, gans aga delowyow teudh, ha'ga lestri drudh a arghans hag a owr; ha dre vlydhynyow ny wra ev mellya gans myghtern an gledhbarth.

Yeremia 10:11

Yndella hwi a lever dhedha: An duwow na wrug an nevow ha'n nor, i a dhe goll a-dhiworth an nor hag a-dhann an nevow ma.

Yeremia 10:15

Euver yns, pythow skornys: yn termyn aga hessydhyans i a dhe goll.

Yeremia 25:19

Faro myghtern Ejyp, ha'y servysi, ha'y bennsevigyon, ha'y bobel oll;

Ezekiel 29:19

Rakhenna yndellma y lever an Arloedh Duw: Awottavy ow ri pow Ejyp dhe Nebukadnessar myghtern Babylon; ev a dheg hy rychys dhe-ves, ha kemmeres hy freydh, ha'y fylla; y fydh gober y lu.