Yeremia 43:10 - An Bibel Kernewek 20234 (Kernewek Kemmyn)

¹⁰ ha lavar dhedha, Yndellma y lever Arloedh an luyow, Duw Ysrael: Otta, my a dhannvon ha kemmeres Nebukadnessar myghtern Babylon, ow gwas, hag ev a worr y dron a-ugh an meyn ma re ynkleudhis, hag ev a les y babell ryel warnedha.

Yeremia 43:10 ပူးပေါင်းရင်းမြစ်များ

1 Myghternedh 20:12

Pan glewas Ben-hadad an messaj ma – hag ev owth eva gans an vyghternedh y'n skovvaow – ev a leveris dh'y wer, ‘Kemmerewgh agas tylleryow!’ Hag i a gemmeras aga thylleryow erbynn an sita.

1 Myghternedh 20:16

I eth yn-mes y'n hanter-dydh, ha Ben-hadad owth eva yn fedhow y'n tyldow, ev ha'n dewdhek warn ugens myghtern y geffrysysi.

Salmow 18:11

Ev a wrug tewlder y gudhans, y babell a-dro dhodho, kommol tew a dhowr y'n ebron.

Salmow 27:5

Rag ev a'm kel yn y skovva yn dydh anken; yn goskes y dylda ev a'm kudh; ev a'm gorr war-vann war garrek.

Salmow 31:20

Yn goskes dha fas ty a's kudh rag towlow den; ty a's kudh yn skovva, pell dhiworth strif tavosow.

Ysay 44:28

neb a gews a Kyrus, ‘Ow bugel yw ev, hag ev a gollenow ow forpos oll’; ow leverel a-dro dhe Yerusalem, ‘Bedhes dastrehevys’, hag a-dro dhe'n tempel, ‘Bedhes hy selven desedhys yn y le.’

Ysay 45:1

Yndellma y lever an Arloedh dh'y untys, dhe Kyrus, neb a synsis vy er y leuv dhyghow, rag fetha kenedhlow a-ragdho, ha dhe dhigelmi diwglun myghternedh, dhe igeri darasow a-ragdho, ha ny vydh yetys deges:

Yeremia 1:15

Rag, otta, my a wra gelwel oll teyluyow gwlaskordhow an gogledh, yn-medh an Arloedh; hag i a wra dos, hag i a wra settya pubonan y dron dhe entrans yetow Yerusalem, hag erbynn an fosow anedhi a-derdro, hag erbynn sitys oll Yuda.

Yeremia 43:9

Kemmer y'th leuv meyn bras, ha'ga ynkleudhyas y'n leur a bri usi orth daras chi Faro yn Tahpanhes, yn golok gwer Yuda,

Yeremia 46:13

An ger a gewsis an Arloedh dhe Yeremia an profoes a-dro dhe dhevedhyans Nebukadnessar myghtern Babylon dhe weskel pow Ejyp:

Yeremia 49:38

ha my a sett ow thron yn Elam, ha distrui aga myghtern ha'ga fennsevigyon, yn-medh an Arloedh.

Ezekiel 5:12

Tressa rann ahanowgh a verow dre bla po mos dhe goll dre dhivoetter a-berth ynnos; tressa rann a goedh der an kledha a-dro dhis; ha tressa rann a skattrav dhe oll an gwynsow ha tenna an kledha war aga lergh.

Daniel 2:21

Ev a dreyl an prysyow ha'n sesonyow; ev a remov myghternedh ha sevel myghternedh; ev a ro furneth dhe'n re fur, ha godhvos dhe'n re a woer konvedhes.

Matthew 22:7

Ha'n myghtern a sorras hag a dhannvonas y luyow dhe dhiswul an dhenledhysi na hag a loskas aga sita.