Yeremia 43:1 - An Bibel Kernewek 20234 (Kernewek Kemmyn)

¹ Pan worfennas Yeremia kewsel dhe oll an bobel oll geryow an Arloedh aga Duw, ha gansa may hwrug an Arloedh aga Duw y dhannvon dhedha,

Yeremia 43:1 ပူးပေါင်းရင်းမြစ်များ

Jenesis 19:14

Ha Lot eth yn-mes ha kewsel gans y dheuvyon a dhemmedhis y vyrghes ha leverel, ‘Sevewgh yn-bann, kewgh yn-kerdh yn-mes a'n tyller ma, rag an Arloedh a vynn distrui an sita ma.’ Mes dh'y dheuvyon yth heveli ev dhe vos den ow kul ges.

Eksodus 24:3

Moyses a dheuth ha leverel dhe'n bobel geryow oll an Arloedh hag oll an ordenansow; ha'n bobel oll a worthybis gans unn lev, ha leverel, ‘Oll an geryow re gewsis an Arloedh, ni a's gwra.’

Yeremia 1:17

Ty ytho grogys dha dhiwglun, ha sevel, ha kewsel dhedha pup-tra a worhemmynnav dhis: na vydh ownek a-ragdha, ma na'th ownekhav a-dheragdha.

Yeremia 1:7

Ha'n Arloedh a leveris dhymm, ‘Na lavar “Yowynk ov”; mes mos a wredh dhe biwpynag may hwrylliv vy dha dhannvon dhodho, ha ty a lever pypynag a worhemmynniv dhis.

Yeremia 26:2

Yndellma y lever an Arloedh: Sav yn klos chi an Arloedh, ha kows dhe oll sitys Yuda hag a dheu dhe wordhya yn chi an Arloedh; kows dhedha oll an geryow a worhemmynnav dhis; na as ger vyth mes.

Yeremia 26:8

Ha pan worfennas Yeremia ow kewsel pup-tra a worhemmynnis an Arloedh dhodho, ena an oferysi ha'n brofoesi hag oll an bobel a'n synsis, ow leverel, ‘Ty a verow yn sur!

Yeremia 42:21

Ha lemmyn my re gewsis dhywgh hedhyw, mes ny vewgh gostydh dhe lev an Arloedh agas Duw yn travyth ma'm dannvonas dh'y leverel dhywgh.

Yeremia 42:22

Godhvydhewgh ytho yn ta, hwi a verow gans an kledha, gans an divoetter ha gans an pla y'n tyller may fynnowgh mos ha triga.’

Yeremia 5:12

I re naghas an Arloedh, ha leverel, ‘Ny wra ev travyth; na ny wra drogedh dos warnan; ny welyn ni naneyl kledha na divoetter.’

Yeremia 51:63

Pan worfennydh lenna an rol-skrifa, kelm men orti, ha'y thewlel yn kres an Ewfrates,

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Oberow 20:27

rag ny omwithis vy rag derivas dhywgh oll an gusul a Dhuw.

Oberow 5:20

‘Kewgh, sevewgh y'n tempel ha kewsewgh dhe'n bobel oll an geryow a'n bewnans ma.’

1 Samuel 8:10

Ytho Samuel a dherivas oll geryow an Arloedh dhe'n bobel esa ow kovynn myghtern a-dhiworto.