Yeremia 42:3 - An Bibel Kernewek 20234 (Kernewek Kemmyn)

³ may hwrello an Arloedh dha Dhuw diskwedhes dhyn an fordh may kerdhyn ynni ha'n pyth a wren.’

Yeremia 42:3 ပူးပေါင်းရင်းမြစ်များ

1 Myghternedh 8:36

ena klew yn nev, ha gav pegh dha wesyon, dha bobel Ysrael, pan dhyskydh dhedha an fordh dha dhe gerdhes ynni; ha dannvon glaw war dha dir, a resys dhe'th pobel avel eretons.

Ezra 8:21

Ena my a elwis rag penys ena, ryb an avon Ahava, mayth omuvelhyn a-rag agan Duw, rag hwilas a-dhiworto hyns heb kaletter ragon, ha rag agan fleghes, gans oll agan pythow.

Salmow 27:11

Dysk dhymm dha fordh, A Arloedh, ha hembronk vy yn hyns kompes, drefenn ow eskerens.

Salmow 86:11

Dysk dhymm dha fordh, A Arloedh, ha my a gerdh y'th wirder; lowenhes ow holonn, mayth ownniv dha hanow.

Lavarow Koth 3:6

Yn oll dha fordhow gwra y aswonn, hag ev a wra dhe'th hynsyow bos kompes.

Ysay 2:3

Poblow pals a dheu ha leverel, ‘Dewgh, ha deun ni yn-bann dhe venydh an Arloedh, dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Yeremia 6:16

Yndellma y lever an Arloedh, Sevewgh war an fordhow, ha mirewgh ha hwilewgh an hynsyow koth, le mayth yw da an fordh; ha kerdhes ynni ha hwi a gyv powes dh'agas enevow. Mes yn-medhons, ‘Ny vynnyn kerdhes ynni.’

Mika 4:2

Kenedhlow pals a dheu, ha leverel, ‘Dewgh, ha deun ni yn-bann dhe venydh an Arloedh, ha dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Dewteronomi 5:26

Rag piw eus a bub kig neb a glewas lev an Duw bew ow kewsel yn-mes a gres an tan avelon, ha bewa?

Dewteronomi 5:29

Unnweyth a pe dhedha kolonn a'n par ma, dhe berthi own ahanav vy, ha dhe witha oll ow gorhemmynnow pup-prys, rag may fo yn ta dhedha ha dh'aga mebyon bys vykken!