Yeremia 42:10 - An Bibel Kernewek 20234 (Kernewek Kemmyn)

¹⁰ Mar trigowgh y'n tir ma, ena my a'gas drehav, a-der agas tenna dhe'n leur; my a'gas plans ha ny'gas diwreydhyav; rag edrek a'm beus a'n anfeusi a wrug dhywgh.

Yeremia 42:10 ပူးပေါင်းရင်းမြစ်များ

2 Samuel 24:16

Ha pan ystynnas an el y dhorn war Yerusalem dh'y distrui, an Arloedh a'n jevo edrek a'n drog, ha leverel dhe'n el, an distruer usi yn kres an bobel, ‘Henn yw lowr, hedh dha dhorn.’ Hag ena yth esa el an Arloedh ryb leur-drushya Arawna an Yebusyas.

Salmow 102:16

Pan dhrehav an Arloedh Sion, y hwelir ev yn y wolewder.

Salmow 106:45

Hag ev a borthas kov a'y gevambos a'ga govis i, hag edrek a'n jeva herwydh y dregeredh meur;

Salmow 37:3

Trest y'n Arloedh ha gwra da; trig y'n tir, ha bedhes diogeledh yn dha beurva.

Salmow 69:35

Rag Duw a selow Sion, ha drehevel sitys Yuda; hag i a drig ena ha'y ferghenna.

Eksodus 32:14

Ha'n Arloedh a'n jevo edrek a'n drog a brederi gul dh'y bobel.

Yeremia 24:6

Rag my a sett ow golok warnedha rag da, ha my a's dre arta dhe'n tir ma. My a's drehav, ha ny's tennav dhe'n dor; my a'ga flans, ha ny's diwreydhyav.

Yeremia 26:19

A wrug Hezekia myghtern Yuda hag oll Yuda y worra yn hwir dhe'n mernans? A ny borthas own a'n Arloedh ha hwilas favour an Arloedh, ha'n Arloedh a dreylyas y vrys a-dro dhe'n anfeusi re leveris er aga fynn? Avel hemma ni a dhre drog meur warnan agan honan.’

Yeremia 27:11

Mes an kenedhlow a dhre aga honna yn-dann yew myghtern Babylon ha'y servya, an re na my a's gas yn aga thir aga honan, yn-medh an Arloedh, dh'y wonedha ha triga ynno.

Yeremia 31:28

Ha kepar dell withis warnedha dhe dhiwreydhya, ha dhe dewlel dhe'n dor, yndella y hwithav warnedha, dhe dhrehevel, ha dhe blansa, yn-medh an Arloedh.

Yeremia 33:7

Ha my a dreyl kethneth Yuda ha kethneth Ysrael ha my a's dastrehav par dell ens wor'talleth.

Yeremia 43:4

Ytho ny veu Yohanan mab Kareagh hag oll pennsevigyon an luyow hag oll an bobel gostydh dhe lev an Arloedh, dhe driga yn pow Yuda.

Ezekiel 36:36

An kenedhlow gesys a-dro dhywgh a woer y hwrug my, an Arloedh, drehevel an tylleryow distruys, ha plansa an tylleryow ynyal. My, an Arloedh, re gewsis, ha my a'n gwra..

Hosea 11:8

Fatell y'th hepkorrav, Efraym? Fatell y'th taskorrav, Ysrael? Fatell y'th wrav avel Adma? Fatell y'th hworrav avel Seboim? Ow holonn re dreylyas a-ji dhymm, oll ow thruedh re dhewis.

Yoel 2:13

Skwardyewgh agas kolonn, a-der agas dillas, ha treylyewgh arta dhe'n Arloedh agas Duw, rag grassyes ha truedhek yw, lent ow serri, ha meur y dregeredh, hag ev a gemmer edrek a'n drog.

Amos 7:3

An Arloedh a gemmeras edrek a hemma: ‘Ny hwyrvydh’, yn-medh an Arloedh.

Amos 7:6

An Arloedh a gemmeras edrek a hemma: ‘Ny hwyrvydh hemma na hwath’, yn-medh an Arloedh Duw.

Yona 3:10

Ha Duw a welas aga oberow, i dhe dreylya dhiworth aga fordh dhrog; ha Duw a gemmeras edrek a'n drog a lavarsa ev dhe wul dhedha; ha ny'n gwrug.

Yona 3:4

Yona a dhallathas mos y'n sita, kerdh a unn jydh, hag ev a grias ha leverel, ‘Hwath dew-ugens dydh, ha Nineve a vydh domhwelys.’

Yona 4:2

Hag ev a bysis dhe'n Arloedh ow leverel, ‘My a'th pys, A Arloedh, a nyns yw henna an keth tra a leveris vy pan esen hwath y'm pow? Rakhenna my a fias y'n dalleth dhe Tarshish; rag my a wodhva ty dhe vos Duw grassyes ha truedhek, lent ow serri, ha leun a dregeredh, ow kemmeres edrek a'n drog.

Oberow 15:16

“Wosa an taklow ma, my a dhehwel ha dastrehevel tylda Davydh re goedhas, ha my a dhastrehav y vagoryow ha'y dhaswul,

Dewteronomi 32:36

Rag an Arloedh a vreus y bobel, ha kemmeres pita a'y servysi, pan wel aga nerth dhe vos gyllys, ha nag eus nagonan gesys, keth na rydh.

Breusysi 2:18

Peskweyth may trehevi an Arloedh breusysi ragdha, yth esa an Arloedh gans an breusyas, hag ev a wre aga sawya dhiworth diwla aga eskerens oll dydhyow an breusyas; rag an Arloedh a gemmeri truedh drefenn aga hanasa dre reson an re a wre aga duwenhe ha'ga gwaska.