Yeremia 41:2 - An Bibel Kernewek 20234 (Kernewek Kemmyn)

² Yshmael mab Nethania, ha'n deg gwer esa ganso, a sevis ha gweskel Gedalia mab Ahikam mab Shefan gans an kledha ha'y ladha, ev neb a veu gwrys governour an tir gans myghtern Babylon.

Yeremia 41:2 ပူးပေါင်းရင်းမြစ်များ

2 Samuel 3:27

Pan dhehwelis Abner dhe Hebron, Yoab a'n kemmeras a-denewen yn kres an yet dhe gewsel ganso yn kosel, hag ev a'n gweskis ena yn y dorr. Ytho ev a verwis rag goes Asahel y vroder.

2 Myghternedh 25:25

Mes y'n seythves mis, Yshmael mab Nethania mab Elishama, a'n teylu ryel, a dheuth gans deg den; i a weskis Gedalia may ferwis, war-barth gans an Yedhewon ha'n Kaldeanys esa ganso yn Mispa.

Salmow 109:5

I re dylis dhymm dregynn rag da, ha kas rag kerensa.

Salmow 41:9

Ynwedh ow howeth ker ow honan may trestis vy ynno, neb a dhybris ow bara, re dhrehevis y wewenn er ow fynn.

Yeremia 40:14

ha leverel dhodho, ‘A wodhes Baalis myghtern an Ammonysi dhe dhannvon Yshmael mab Nethania dhe'th ladha?’ Mes ny's krysis Gedalia mab Ahikam.

Yeremia 40:16

Mes Gedalia mab Ahikam a leveris dhe Yohanan mab Kareagh, ‘Ny wredh tra a'n par ma, rag ty a wowlever a-dro dhe Yshmael.’

Yeremia 40:5

Mar kortydh, ena dehwel dhe Gedalia mab Ahikam mab Shafan, a veu gwrys governour trevow Yuda gans myghtern Babylon, ha gorta ganso yn mysk an bobel; po ke plepynag yth hevel ewn dhe vos di.’ Ytho kapten an withysi a ros dhodho ewnrann a voes ha ro, ha'y asa dhe vos.

Yeremia 40:7

Pan glewas oll pennsevigyon an luyow, esa y'n gwel, i ha'ga gwer, myghtern Babylon dhe wul Gedalia mab Ahikam governour an tir ha ri yn y jarj gwer, gwragedh ha fleghes, boghosogyon an tir na veu kemmerys yn kethneth dhe Babylon,

Yeremia 40:8

i a dheuth dhe Gedalia, dhe Mispa, Yshmael mab Nethania, Yohanan mab Kareagh, Seraya mab Tanhumeth, mebyon Efay an Netofathyas, Yezania mab an Maakathyas, i ha'ga gwer.

Yeremia 41:3

Yshmael a ladhas oll an Yedhewon esa gans Gedalia yn Mispa ynwedh, ha soudoryon an Kaldeanys esa ena.

Yowann 13:18

Ny gowsav ahanowgh hwi oll; my a woer piw a dhewisis; mes hemm yw rag may fo an skryptor kollenwys, “Ev neb a dhybris bara genev re dhrehevis y wewenn er ow fynn.”