Yeremia 40:7 - An Bibel Kernewek 20234 (Kernewek Kemmyn)

⁷ Pan glewas oll pennsevigyon an luyow, esa y'n gwel, i ha'ga gwer, myghtern Babylon dhe wul Gedalia mab Ahikam governour an tir ha ri yn y jarj gwer, gwragedh ha fleghes, boghosogyon an tir na veu kemmerys yn kethneth dhe Babylon,

Yeremia 40:7 ပူးပေါင်းရင်းမြစ်များ

2 Myghternedh 25:12

Mes kapten an withysi a asas re a voghosekka tus an tir dhe vos gonedhysi gwinlannow ha gonedhysi tir.

2 Myghternedh 25:4

Ena aswa a veu gwrys yn fos an sita. Oll an soudoryon eth yn-mes y'n nos der an yet yntra diw fos, ogas dhe lowarth an myghtern, ha'n Kaldeanys ow kyrghynna an sita. I eth war an fordh troha'n Araba.

Yeremia 39:10

Mes Nebuzaradan kapten an withysi a asas boghosogyon an bobel, na's tevo travyth, yn pow Yuda, ha ri dhedha gwinlannow ha parkow y'n keth prys.

Yeremia 39:14

hag i a dhannvonas dhe gemmeres Yeremia yn-mes a glos an prison, ha'y ri yn charj Gedalia mab Ahikam mab Shafan dhe vos degys dhe dre. Ytho ev a drigas yn mysk y bobel.

Yeremia 39:4

Ha pan y's gwelas Sedekia myghtern Yuda hag oll an soudoryon, i a fias, ha mos yn-mes a'n sita y'n nos, dre fordh lowarth an myghtern, der an yet ynter an dhiw fos; hag ev eth war-tu ha'n Araba.

Yeremia 39:9

Ena Nebuzaradan kapten an withysi a dhug yn divroedh dhe Babylon remenant an bobel o gesys y'n sita, ha'n re a gilfias dhodho, ha remenant an bobel re beu gesys.

Yeremia 41:1

Y'n seythves mis, Yshmael mab Nethania mab Elishama, a'n teylu ryel, onan a bennsevigyon an myghtern, a dheuth ha deg gwer ganso dhe Gedalia mab Ahikam, dhe Mispa, hag ena i a dhybris bara war-barth yn Mispa.

Yeremia 41:10

Ena Yshmael a dhug yn-mes yn kethneth remenant oll an bobel esa yn Mispa, hwath myrghes an myghtern, neb a ros Nebuzaradan kapten an withysi yn charj Gedalia mab Ahikam. Yshmael mab Nethania a's kemmeras dhe-ves yn kethneth hag omdenna rag treusi dhe'n Ammonysi.

Yeremia 41:11

Mes pan glewas Yohanan mab Kareagh, hag oll pennsevigyon an luyow esa ganso, a oll an drog a veu gwrys gans Yshmael mab Nethania,

Yeremia 43:6

an wer, ha'n benynes, ha'n fleghes, ha myrghes an myghtern, ha pubonan a wrug Nebuzadan kapten an withysi gasa gans Gedalia mab Ahikam mab Shafan; ynwedh Yeremia an profoes ha Baruk mab Neria.

Yeremia 52:16

Mes Nebuzaradan kapten an withysi a asas nebes an dus voghosek a'n tir dhe vos gonedhysi gwinlannow hag aradroryon.

Ezekiel 45:16

Oll pobel an tir a re an offrynn ma rag pennsevik Ysrael.