Yeremia 4:8 - An Bibel Kernewek 20234 (Kernewek Kemmyn)

⁸ Rakhenna omwrogysewgh gans yskar, kynewgh hag oulyewgh: ‘Ny dreylyas ahanan sorr fers an Arloedh.’

Yeremia 4:8 ပူးပေါင်းရင်းမြစ်များ

Salmow 78:49

Ev a dhellos warnedha y sorr fers, sorr, ha koler, hag anken, ha dannvon tebel eledh yn aga mysk.

Ysay 10:4

ma na blattyowgh yn mysk an brisnoryon, na koedha yn mysk an re ledhys? Yn despit dhe oll hemma ny dreylyas y sorr, ha'y leuv yw hwath ystynnys.

Ysay 13:6

Oulyewgh, rag ogas yw dydh an Arloedh; kepar ha terroes dhiworth an Ollgalloesek.

Ysay 22:12

An Arloedh, Duw an luyow, a elwis y'n jydh na rag oelva ha rag kynvann, rag bloghter ha rag omwrogysa gans yskar.

Ysay 32:11

Krenewgh, hwi venynes yw attes; skruthewgh, hwi yw fydhyansek; omstryppyewgh ha bedhewgh lomm, grogysewgh agas diwglun gans yskar.

Ysay 5:25

Rakhenna sorr an Arloedh a dhew erbynn y bobel, hag ev a ystynn y leuv er hy fynn ha'y gweskel. An menydhyow a gren, ha'ga horfow yw avel atal yn kres an stretys. Yn despit dhe oll hemma, ny dreyl y sorr dhe-ves, ha'y leuv yw hwath ystynnys.

Ysay 9:12

Aram a-rag ha'n Filistysi a-dryv; hag i re dhevoryas Ysrael gans anow igor. Yn despit dhe oll hemma ny dreylyas y sorr, ha'y leuv yw hwath ystynnys.

Ysay 9:17

Rakhenna an Arloedh ny lowenha yn aga gwer yowynk, na kemmeres truedh a'ga omdhivasow ha gwedhwesow; rag pubonan yw ansans ha drog, ha pub ganow a gews follneth. Yn despit dhe oll hemma ny dreylyas y sorr, ha'y leuv yw hwath ystynnys.

Ysay 9:21

Manasse erbynn Efraym, hag Efraym erbynn Manasse; war-barth y fydhons erbynn Yuda. Yn despit dhe oll hemma ny dreylyas y sorr, ha'y leuv yw hwath ystynnys.

Yeremia 25:34

Oulyewgh, hwi vugeledh, ha kria; omrolyewgh yn lusu, hwi arlydhi an flokk; rag dydhyow agas ladhva ha'gas keskar yw devedhys, ha hwi a goedh avel lester teg.

Yeremia 30:24

Ny dreyl konnar fers an Arloedh dhe-ves bys pan gollanwo ha kowlwul towlow y golonn. Y'n dydhyow diwettha hwi a gonvedh hemma.

Yeremia 48:20

Moab yw gorrys dhe veth, rag hy bos terrys; kynewgh hag oelewgh! Leverewgh e yn Arnon, Moab dhe vos gwastys.

Yeremia 6:26

A vyrgh ow fobel, omwrogys yn yskar, hag omrol yn lusu: gwra kyni, avel rag dha unn vab, kynvann a'n hwerwa: rag a-dhistowgh an distruer a dheu warnan.

Kynvannow 1:12

A ny vern travyth, oll hwi a dremen? Mirewgh, ha gweles mars eus ahwer kepar ha'm ahwer vy, a veu gorrys warnav, ma'm grevyas an Arloedh ganso yn dydh y sorr fers.

Ezekiel 21:12

Garm hag oul, A vab den, rag yth yw erbynn ow fobel, yth yw erbynn oll pennsevigyon Ysrael. Tewlys yns dhe'n kledha war-barth gans ow fobel. Rakhenna hwett dha vordhos!

Ezekiel 30:2

Mab den, profoes ha lavar, Yndellma y lever an Arloedh Duw: Kynewgh, ‘Ellas rag an jydh!’

Yoel 1:13

Omwrogysewgh ha kyni, hwi oferysi; oulyewgh, hwi venystrys an alter: dewgh, spenewgh an nos yn yskar, hwi venystrys ow Duw: rag an offrynn greun ha'n offrynn diwes yw kemmerys dhe-ves dhiworth chi agas Duw.

Amos 8:10

Treylya a wrav agas goelyow yn kynvann, ha'gas kanow oll yn oelva; my a worr yskar war an dhiwglun oll, ha bloghter war bub penn; my a's gwrav dhe gyni kepar dell ve war-lergh aga unn vab, ha'n gorfenn anodho a vydh kepar ha dydh hwerow.

Mika 1:16

Omvoelha, ha trogh dha wols rag an vebyon a'th telit; omwra maga foel avel er, rag i res eth a-dhiworthis bys yn divroedh.

Niverow 25:4

ha'n Arloedh a leveris dhe Moyses, ‘Kemmer oll pennow an bobel, ha'ga kregi y'n howl a-rag an Arloedh, may treyllyo sorr fers an Arloedh dhiworth Ysrael.’