Yeremia 4:6 - An Bibel Kernewek 20234 (Kernewek Kemmyn)

⁶ Drehevewgh baner war-tu ha Sion: hwilewgh sawder, na wortewgh: rag my a dhre droktra a'n gogledh, ha distruyans meur.

Yeremia 4:6 ပူးပေါင်းရင်းမြစ်များ

Ysay 62:10

Tremenewgh, tremenewgh der an yetys, pareusewgh fordh rag an bobel; drehevewgh, drehevewgh an fordh-veur, klerhewgh dhe-ves an meyn, drehevewgh baner rag an poblow.

Yeremia 10:22

Otta, son nowodhow ow tos: ha freudh meur yn-mes a dir an gogledh, dhe wul sitys Yuda ynyal, ha fow owrgeun.

Yeremia 18:11

Ha lemmyn ytho, kews orth gwer Yuda, hag orth annedhysi Yerusalem, ow leverel: Yndellma y lever an Arloedh: Otta, my a furv drogedh er agas pynn ha devisya towl er agas pynn: dehwelewgh peub a'y fordh dhrog ha gul dh'agas fordhow ha'gas gwriansow bos da.

Yeremia 21:7

Hag a-wosa, y lever an Arloedh, my a re Sedekia myghtern Yuda, ha'y servysi, ha'n bobel, ha'n re yw hwath yn few y'n sita ma wosa an pla, an kledha ha'n divoetter, bys yn dorn Nebukadnessar myghtern Babylon, hag yn dorn aga eskerens, hag yn dorn an re a hwila aga bewnans. Ev a's gwysk gans min an kledha; ny wra eva aga sparya, na kemmeres truedh, na mersi.

Yeremia 22:7

Ha my a bareus distruoryon er dha bynn, peub gans y arvow; i a derr dha geder dewisys ha'ga thewlel y'n tan.

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Yeremia 4:21

Pes termyn y hwelav an baner, ha klewes son an hirgorn?

Yeremia 50:2

Diskleryewgh yn mysk an kenedhlow ha derivewgh, sevewgh baner ha derivewgh, na'n kudhewgh, leverewgh: Babylon yw kemmerys, Bel yw gorrys dhe veth, Merodak yw dyegrys. Hy imajys yw gorrys dhe veth, hy idolyow yw digolonnek.

Yeremia 50:22

Yma tros an vatel y'n tir, ha distruyans meur!

Yeremia 51:12

Sevewgh baner erbynn fosow Babylon; krevhewgh an goel; settyewgh goelyadoryon; pareusewgh an kontrewaytyansow; rag an Arloedh re dewlis ha re wrug an pyth a gewsis a-dro dhe annedhysi Babylon.

Yeremia 51:27

Drehevewgh baner y'n tir, hwythewgh hirgorn yn mysk an kenedhlow; pareusewgh an kenedhlow rag bresel er hy fynn, gelwewgh er hy fynn an gwlaskordhow, Ararat, Minni hag Ashkenaz; ordenewgh kaslewydh er hy fynn, drewgh yn-rag mergh avel hes lokustes.

Yeremia 51:54

Yma son kri a-dhiworth Babylon, ha son distruyans meur a-dhiworth tir an Kaldeanys!

Yeremia 6:1

Fiewgh rag sawder, A hwi fleghes Benyamin, yn-mes a Yerusalem, ha hwytha an hirgorn yn Tekoa, ha drehevewgh arwoedh-dan yn Beth-hakkerem: rag drogedh a omdhiskwedh yn-mes a'n gogledh, ha distruyans meur.

Yeremia 6:22

Yndellma y lever an Arloedh: Otta, yma pobel ow tos a'n pow kledh, ha kenedhel veur a vydh difunys a bella rannow an nor.

Ezekiel 9:1

Ena ev a grias y'm diwskovarn gans lev ughel, ow leverel: ‘Deus nes, hwi an re ordenys dhe gessydhi a'n sita, peub gans y arv a dhistruyans yn y leuv.’

Ezekiel 9:2

Hag otta, hwegh gour ow tos dhiworth fordh an yet wartha, a vir troha'n gledhbarth, peub gans arv a dhistruyans yn y leuv. Unn gour yn aga mysk o gwiskys yn lien gans daffar skrifyas war y glun. I a dheuth a-ji, ha sevel ryb an alter a vrons.

Sefania 1:10

Hag y'n jydh na, yn-medh an Arloedh, y fydh son a gri dhiworth Yet an Puskes, hag oulyans dhiworth an Nessa Kwartron, ha son bras an terroes dhiworth an breow.

Zekaria 6:6

Yma an charett gans mergh du ow mos yn-mes dhe'n tir kledh, an vergh gwynn eth yn-mes war aga lergh, ha'n vergh brithek eth yn-mes dhe dir an dyghow.’