Yeremia 4:5 - An Bibel Kernewek 20234 (Kernewek Kemmyn)

⁵ Derivewgh yn Yuda, ha deklaryewgh yn Yerusalem, ha leverel: Hwythewgh an hirgorn y'n tir; kriewgh yn ughel ha leverewgh, ‘Omguntellewgh, hag entryn y'n sitys kerys!’

Yeremia 4:5 ပူးပေါင်းရင်းမြစ်များ

Ysay 28:19

Peskweyth may tremen ev a'gas kemmer; myttin ha myttin y tremen, y'n jydh hag y'n nos. Konvedhes an derivas a vydh pur euth.

Yeremia 11:2

Klew geryow an kevambos ma, ha'ga hewsel orth gwer Yuda, hag orth annedhysi Yerusalem.

Yeremia 35:11

Mes pan dheuth Nebukadnessar myghtern Babylon erbynn an tir, ni a leveris, “Dewgh ha deun dhe Yerusalem drefenn own lu an Kaldeanys ha lu Aram.” Drefenn henna yth eson trigys yn Yerusalem.’

Yeremia 5:20

Diskleryewgh hemma yn chi Yakob, ha'y dhyllo yn Yuda, ow leverel,

Yeremia 6:1

Fiewgh rag sawder, A hwi fleghes Benyamin, yn-mes a Yerusalem, ha hwytha an hirgorn yn Tekoa, ha drehevewgh arwoedh-dan yn Beth-hakkerem: rag drogedh a omdhiskwedh yn-mes a'n gogledh, ha distruyans meur.

Yeremia 8:14

Prag yth on esedhys stag? Omguntellewgh, hag entryn y'n sitys kerys, ha merwel ena: rag an Arloedh agan Duw re'gan daskorras dhe'n mernans, ha ri dhyn dowr gwenonek dhe eva, drefenn ni dhe begha erbynn an Arloedh.

Yeremia 9:12

Piw yw an gour doeth, a yll konvedhes hemma, may kewsis ganow an Arloedh dhodho, ma'n disklerro? Prag yth yw an tir diswrys ha gwastys kepar ha gwylvos, ma na dremen denvyth?

Ezekiel 7:14

I re hwythas an hirgorn ha pareusi pup-tra; mes nyns a denvyth dhe'n vatel, rag yma ow sorr war oll an routh anedha.

Hosea 8:1

Gorr hirgorn dhe'th hanow; ev a varges avel er a-ugh chi an Arloedh, rag i dhe derri ow hevambos, ha rebellya erbynn ow lagha.

Yoel 2:1

Hwythewgh an hirgorn yn Sion, ha gelwewgh dhe'n gas y'm menydh sans; krenes oll annedhysi an norvys: rag dydh an Arloedh a dheu; pur ogas yw,

Amos 3:6

Eus korn hwythys yn sita, heb bos an bobel ownek? A vydh anfeusi yn sita, marnas an Arloedh a'n gwrug?

Amos 3:8

An lew re usas: piw ny'n jevydh own? An Arloedh Duw re gewsis: piw ny brofoes?

Niverow 10:2

Gwra dew hirgorn yn arghans; yn ober mortholys ty a's gwra; ha ty a wra devnydh anedha rag gelwel an kuntelles, ha rag terri kamp.

Niverow 10:3

Ha pan vydh an dhew hwythys, oll an kuntelles a wra omguntell dhis dhe dharas tylda an kuntelles.

Yoshua 10:20

Yoshua ha'n Ysraelysi a's gweskis gans ladhva vras, ha'ga distrui glan, mes re anedha a dhienkas, ha mos bys y'n sitys kerys.