Yeremia 4:30 - An Bibel Kernewek 20234 (Kernewek Kemmyn)

³⁰ Ha ty, gwastys, pandr'a wredh, owth omwiska yn kogh, owth omdakla gans tegennow owrek, ow liwa dha dhewlagas gans antimoni, yn euver yth omwredh teg; dha garoryon a'th tispres, i a hwila dha vewnans.

Yeremia 4:30 ပူးပေါင်းရင်းမြစ်များ

2 Myghternedh 9:30

Pan dheuth Yehu dhe Yezreel, Yezebel a glewas anodho, ha hi a liwas hy dewlagas gans antimoni, afina hy fenn ha mires yn-mes a fenester.

Lavarow Koth 6:25

Na yeun war-lergh hy thekter y'th kolonn, ha na as hi dhe'th synsi gans blewennow hy dewlagas;

Lavarow Koth 7:10

Hag otta, benyn a'n met, gwiskys avel hora, fel hy holonn.

Ysay 10:3

Pandr'a wrewgh yn dydh kessydhyans, hag y'n annawel a dheu a bellder? Piw y poenyowgh dhodho rag gweres, ha ple hwrewgh gasa agas golewder,

Ysay 20:6

Annedhyas an arvor ma a lever y'n jydh na, “Otta hemm yw agan govenek may fisyn dhodho rag gweres, dh'agan delivra dhiworth myghtern Assyria! Ytho fatell yllyn ni skapya?” ’

Ysay 33:14

An beghadoryon yn Sion a berth own; kren a dhalghenn an re dhidhuw: ‘Piw ahanan a yll triga gans an tan a dhevor? Piw ahanan a yll triga gans flammow a dhur bys vykken?’

Yeremia 13:21

Pandr'a leverydh pan y'th kessydh? rag ty re's dyskas dhe vos dha geffrysysi, avel penn warnas: a ny wra gloesow dha dhalghenna, avel gwreg yn gwelivos?

Yeremia 22:23

A annedhyades Lebanon neythys y'n kederwydh, assa wre'ta kyni pan dheu gloesow warnas, poen avel gwreg yn gwelivos!

Yeremia 30:14

Oll dha garoryon re'th ankovas; ny'th hwilons rag my re'th holyas gans goli eskar, gans keredh a dhen fell, drefenn bos meur dha anewnder, drefenn dha beghosow dhe ynkressya.

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Kynvannow 1:19

My a grias war ow haroryon mes i a'm toellas; ow oferysi ha'm henavogyon re verwis y'n sita, hag i ow hwilas boes rag gul dh'aga enev dasvewa.

Kynvannow 1:2

Oela a wra hi truan nosweyth, ha'y dagrow war hy diwvogh; Nyns eus dhedhi konforter vyth a'y haroryon oll; Pubonan a'y howetha re's toellas, i re dheuth ha bos hy eskerens.

Kynvannow 4:17

Hwath agan dewlagas a fyllis, ow kortos difres yn euver; yn agan goelva ni a woelyas rag kenedhel na allas sawya.

Ezekiel 28:13

Yth eses yn Eden, lowarth Duw; pub men drudh o dha gudhans, rubi, topaz, ha gwyrven, owrven, onyks, ha yasper, saffir, garnet, ha beryl. Ober a owr o dha settyansow ha'th gravyansow ynnos; y'n jydh may feus formys y fons parys.

Ezekiel 28:9

A leverydh hwath, ‘My yw duw’, yn golok an re a'th ladh? Mes ty yw den a-der duw y'n leuv an re a'th ladh.

Obadia 1:7

Oll dha geffrysysi a'th chasyas dhe'n oryon; an re yn kres genes re'th toellas, i re brevaylyas warnas; an re a dheber bara genes a sett maglenn yn-dannos, heb ty dh'y gonvedhes.

Ebrowyon 2:3

fatell wren ni diank mar ny wren vri a selwyans mar veur? Derivys veu yn kynsa der an Arloedh, ha dustuniys dhyn gans an re a'n klewas,

Diskwedhyans 17:13

An re ma a's teves unn brys hag i a re aga nerth ha'ga galloes dhe'n best.

Diskwedhyans 17:2

ha gensi myghternedh an norvys re wrug fornikasyon, ha trigoryon an nor re omvedhwis dre win hy fornikasyon.’

Diskwedhyans 17:4

Ha'n venyn o gwiskys yn purpur ha pann kogh, ha kudhys gans owr ha men drudh ha perlys, gans hanaf owrek yn hy dorn, leun a'n taklow kasadow hag avlan a'y fornikasyon.