Yeremia 4:27 - An Bibel Kernewek 20234 (Kernewek Kemmyn)

²⁷ Rag yndella an Arloedh re leveris: An tir oll a vydh ynyal; mes hwath ny wrav vy kowldhistrui.

Yeremia 4:27 ပူးပေါင်းရင်းမြစ်များ

2 Kroniklys 36:21

may fo kewerys ger an Arloedh dre anow Yeremia, bys pan wrussa an tir resek termyn leun y sabotys. Oll an dydhyow may feu anannedhys, an tir a witha sabot, rag kollenwel deg blydhen ha tri ugens.

Nehemia 9:31

Byttegyns, y'th truedh bras ny wrussys aga leun dhistrui na'ga forsakya, rag ty yw Duw grassyes ha truedhek.

Ysay 17:6

Mes gesigow a worta ynno, kepar ha pan vo olewbrenn gweskys, diw po teyr olivenn adhves orth penn an varrenn, peswar po pymp yn y skorr feyth, yn-medh an Arloedh, Duw Ysrael.

Ysay 24:1

Awotta'n Arloedh ow gwastya an norvys ha'y dhistrui, ha difasya y enep, ha skattra y drigoryon.

Yeremia 18:16

ow kul aga thir tra euthyk, ha ges bys vykken. Pubonan neb a dremen a vydh skruthys, hag a shak y benn.

Yeremia 25:11

An tir oll ma a vydh ynyal ha gwast, ha'n kenedhlow ma a serv myghtern Babylon deg blydhen ha tri-ugens.

Yeremia 30:11

Rag yth esov genes, yn-medh an Arloedh, dhe'th selwel; my a wra leun dhiwedh dhe'n kenedhlow oll le ma'th skattris, mes ny wrav leun dhiwedh ahanas. My a'th keredh yn musur ewn, ha ny'th asav yn tien ankessydhys.

Yeremia 4:20

Distruyans a siw distruyans; rag oll an tir yw diswrys: distowgh ow thyldow yw diswrys, ha'm kroglennow yn hwers.

Yeremia 4:7

An lew yw devedhys yn-bann a-dhiworth y brysk, hag yma distruer an kenedhlow war y fordh: ev yw gyllys yn-rag a-dhiworth y dyller dhe wul dha dir ynyal; ha dha sitys a vydh gwastys, heb annedhyas.

Yeremia 44:6

Ytho ow sorr hag ow honnar a veu dinewys hag enowys yn trevow Yuda ha stretow Yerusalem; hag i yw gwastys hag ynyal kepar hag y'n jydh hedhyw.

Yeremia 46:28

Ha ty, na vydh ownek, ow gwas Yakob, yn-medh an Arloedh, rag yth esov genes. My a wra diwedh dhe oll an kenedhlow le ma'th skattris, mes ny wrav dha leun dhistrui. My a'th kessydh yn ewn musur, mes ny wrav dha asa heb kessydhyans yn tien.

Yeremia 5:10

Kewgh yn-bann dre rewyow hy gwinbrennyer, ha distrui; mes na wra diwedh leun: tennewgh dhe-ves hy barrennow: rag nyns yns i dhe'n Arloedh.

Yeremia 5:18

Mes hwath y'n dydhyow na, yn-medh an Arloedh, ny wrav diwedh leun genowgh.

Yeremia 7:34

Ena my a wra dhe hedhi a-dhiworth sitys Yuda, ha dhiworth stretow Yerusalem, lev lowender, ha lev heudhder, lev an gour pries, ha lev an venyn bries: rag an tir a vydh ynyal.

Yeremia 9:11

Ha my a wra dhe Yerusalem bos kalsow meyn, ha fow owrgeun; ha my a wra dhe sitys Yuda bos ynyal, heb annedhyas.

Kynvannow 2:7

An Arloedh re skonyas y alter, ha nagha y sentri; ev re ros yn leuv an eskar fosow hy lysyow; i a dhrehevis tros yn chi an Arloedh kepar dell ve yn dy'goel.

Ezekiel 11:13

Lemmyn pan esen vy ow profoesa, Pelatia mab Benaya a verwis. Ena my a goedhas war ow fas ha kria gans lev ughel, ha leverel, ‘Ogh Arloedh Duw! A vynnydh dhiswul remenant Ysrael?’

Ezekiel 20:17

Byttegyns ow lagas a's sparyas, ha ny wrug vy aga diswul, na'ga howldhistrui y'n difeythtir.

Ezekiel 33:28

My a wra an tir ynyalder ha difeythtir, hag y fydh diwedh dh'y nerth goethus; menydhyow Ysrael a vydh ynyal heb tremenyas.

Ezekiel 6:14

My a ystynn ow leuv warnedha ha gul an tir ynyal, dhiworth an difeyth bys Dibla, yn oll aga thrigvaow. Ena i a woer my dhe vos an Arloedh.

Levitikus 26:31

Ha my a wra agas sitys magoryow ha'gas sentris dibobel, ha ny vynnav blasa agas saweryow plegadow.

Levitikus 26:44

Mes yn despit dhe henna oll, pan vons yn tir aga eskerens, ny wrav aga skonya, na'ga aborrya, dh'aga diswul yn tien ha terri ow hevambos gansa; rag an Arloedh aga Duw ov vy.

Sefania 1:18

Naneyl aga arghans na'ga owr a yll aga delivra yn dydh sorr an Arloedh; ha gans tan y avi an norvys oll a vydh devorys: rag ev a wra diwedh leun, yn sur neppyth euthyk, a beub eus trigys y'n norvys.