Pes termyn y hwra an tir dhesygha, ha'n gwels a bub mes gwedhra, rag drogedh an re usi trigys ynno? An bestes yw distruys, ha'n ydhyn; drefenn tus dhe leverel, ‘Ny wel ev agan diwedh ni.’
Rag an menydhyow my a dhalleth oela ha kyni, ha rag peurvaow an gwylvos y hwrav kynvann, rag leskys yns, ma na yll nagonan tremena; na ny yll tus klewes son an gwarthek; hag ydhyn an nev ha'n bestes re fias; gyllys yns.
Puskes an mor, ydhyn an nev, bestes an gwel, pub kreatur a slynk war an dor, hag oll an dus usi war enep an tir, a gren a-ragov, ha'n menydhyow a vydh tewlys dhe'n dor, ha'n alsyow a goedh, ha pub fos a goedh dhe'n leur.